అబ్దుల్ కలాం ఓఎస్డీ పేరుతో జాబ్ ఫ్రాడ్ వెలుగులోకి వచ్చింది. ఉద్యోగం ఇప్పిస్తానని చెప్పి గ్రూప్ 1 అభ్యర్థి దగ్గర రూ. 7 లక్షలు వసూలు చేసి మోసం చేశాడు సయ్యద్ హైదర్ హుస్సేన్ అనే వ్యక్తి. బంజారాహిల్స్ పీఎస్ లో కేసు నమోదైన ఈ ఘటనకు సంబంధించి వివరాలిలా ఉన్నాయి.. ఢిల్లీలో ఉన్న నేతలతో పరిచయాలు ఉన్నాయని, ఫోటోలు చూపించి అబ్దుల్ కలాం ఓఎస్డీగా ఉద్యోగం ఇప్పిస్తానని గ్రూప్ 1 అభ్యర్థిని మోసం చేశాడు సయ్యద్ హైదర్ హెహుస్సేన్.
2022 లో గ్రూప్ 1 ఉద్యోగం ఇప్పిస్తానని చెప్పి అభ్యర్థి దగ్గర రూ. 7 లక్షలు వసూలు చేశాడు నిందితుడు. 2022 లో రెండు సార్లు పరీక్ష రద్దయింది కాబట్టి కొంత సమయం ఇవ్వాలని చెప్పి కాలం నెట్టుకొచ్చాడు నిందితుడు. ఈ క్రమంలో అనుమానం వచ్చిన అభ్యర్థి తాను చెల్లించిన డబ్బులకు చెక్ రాసి ఇవ్వాలని సయ్యద్ పై ఒత్తిడి తెచ్చాడు.
అభ్యర్థి ఒత్తిడి తేవడంతో తనను చంపేస్తానని బెదిరింపులకు పాల్పడుతున్నాడు సయ్యద్. దీంతో మోసపోయానని గ్రహించిన అభ్యర్థి బంజారాహిల్స్ పోలీసులను ఆశ్రయించాడు. ఈ ఘటనపై కేసు నమోదు చేసి దర్యాప్తు చేస్తున్నారు పోలీసులు.
