న్యూఢిల్లీ: జేఎస్డబ్ల్యూ సిమెంట్ ఐపీఓ ఈ నెల 7–11 తేదీల్లో ఉంటుంది. ఇష్యూ సైజును రూ.నాలుగు వేల కోట్ల నుంచి రూ.3,600 కోట్లకు తగ్గించినట్టు కంపెనీ ప్రకటించింది. యాంకర్ ఇన్వెస్టర్ బిడ్డింగ్ తేదీ ఆగస్టు ఆరున ఉంటుంది. ఐపీఓలో రూ.1,600 కోట్ల విలువైన ఈక్విటీ షేర్ల ఫ్రెష్ఇష్యూ, రూ.2,000 కోట్ల వరకు విలువైన ఆఫర్ఫర్ సేల్ ఉంటుంది.
ఓఎఫ్ఎస్లో భాగంగా, ప్రైవేట్ ఈక్విటీ కంపెనీ అపోలో మేనేజ్‌‌‌‌మెంట్, దాని అనుబంధ సంస్థ ఏపీ ఆసియా ఆపర్చునిస్టిక్ హోల్డింగ్స్ ప్రైవేట్ లిమిటెడ్, సినర్జీ మెటల్స్ ఇన్వెస్ట్‌‌‌‌మెంట్స్ హోల్డింగ్ లిమిటెడ్, ఎస్బీఐ షేర్లను అమ్ముతాయి. ఫ్రెష్ఇష్యూతో వచ్చిన డబ్బును కంపెనీ రాజస్థాన్‌‌‌‌లోని నాగౌర్‌‌‌‌లో కొత్త ఇంటిగ్రేటెడ్ సిమెంట్ యూనిట్‌ నిర్మాణానికి, అప్పుల చెల్లింపునకు, సాధారణ కార్పొరేట్ ప్రయోజనాల కోసం ఉపయోగిస్తారు.
ఈ ఏడాది మార్చి 315 నాటికి, జేఎస్డబ్ల్యూ సిమెంట్ మొత్తం అప్పులు రూ.6,166.6 కోట్లుగా ఉన్నాయి. కంపెనీ 2025 ఆర్థిక సంవత్సరంలో రూ.163.77 కోట్ల నష్టాన్ని ప్రకటించింది. మార్చి 31, 2025 నాటికి, జేఎస్డబ్ల్యూ సిమెంట్కు సంవత్సరానికి 20.60 మిలియన్ మెట్రిక్ టన్నుల గ్రైండింగ్ సామర్థ్యం ఉంది.
