- యూఎస్ సుప్రీం కోర్టులో కంపెనీ అప్పీల్‌ చేసే అవకాశం
- టాల్కమ్ బేబీ పౌడర్ వాడడంతో క్యాన్సర్‌‌‌‌‌‌‌‌తో చనిపోయిన మే మూర్
- 67 వేల క్యాన్సర్ ఆరోపణ కేసులను ఎదుర్కొంటున్న జేజే
న్యూఢిల్లీ: ఫార్మా కంపెనీ జాన్సన్ అండ్ జాన్సన్ (జేజే) కి అమెరికా కోర్ట్ షాకిచ్చింది. ఈ కంపెనీకి చెందిన టాల్కమ్ పౌడర్ వాడి 88 ఏళ్ల మహిళ మృతి చెందిందని తేల్చుతూ, ఆమె కుటుంబానికి సుమారు బిలియన్ డాలర్లు చెల్లించాలని ఆదేశించింది. ఈ పౌడర్‌‌‌‌‌‌‌‌లో అస్బెస్టాస్ ఫైబర్లు ఉన్నాయని, దీంతో అరుదైన క్యాన్సర్ వచ్చి మే మూర్ చనిపోయిందని ఆమె కుటుంబం ఆరోపించింది.
లాస్ ఏంజిలిస్ కోర్ట్ జ్యూరీ 16 మిలియన్ డాలర్ల నష్టపరిహారం, 950 మిలియన్ డాలర్ల శిక్షాత్మక నష్టపరిహారం ఇవ్వాలని జేజేను ఆదేశించింది. అయితే, యూఎస్ సుప్రీం కోర్టు మార్గదర్శకాలు ప్రకారం, శిక్షాత్మక నష్టపరిహారం సాధారణంగా నష్టపరిహారానికి 9 రెట్లు మించకూడదు. దీంతో పై కోర్ట్ అప్పీల్‌‌‌‌లో ఈ జరిమానా తగ్గే అవకాశం ఉంది. జేజే తమ ఉత్పత్తులు సురక్షితమైనవని, అస్బెస్టాస్ లేదని, క్యాన్సర్ కలిగించవని పేర్కొంది.
