- మానవ హక్కుల కమిషన్ చైర్మన్ జస్టిస్ షమీమ్ అక్తర్
జన్నారం, వెలుగు: విద్య, వైద్యానికి ప్రభుత్వం కృషి చేస్తోందని మానవ హక్కుల కమిషన్ చైర్మన్ జస్టిస్ షమీమ్ అక్తర్ అన్నారు. సోమవారం ఆయన మంచిర్యాల జిల్లా జన్నారం మండలంలో పర్యటించారు. మండల కేంద్రంలోని గిరిజన ఆశ్రమ పాఠశాలను సందర్శంచి విద్యార్థులతో మాట్లాడారు. అక్కడి నుంచి పీహెచ్సీని సందర్శించి పేషెంట్లతో మాట్లాడారు. 30 పడకల హాస్పిటల్ గా మార్చాలని టీపీసీసీ ఎస్సీ సెల్ జాయింట్ కన్వీనర్ కత్తెరపాక రాజేశ్ కోరారు. ఈ విషయాన్ని ప్రభుత్వం దృష్టికి తీసుకెళ్తానని చైర్మన్ హమీనిచ్చారు.
అనంతం ఇందన్ పెల్లి లోని వెదురు ఉత్పత్తుల శిక్షణ కేంద్రాన్ని సందర్శించారు. గిరిజనులు వెదురుతో తయారు చేసిన వస్తువులను పరిశీలించారు. కోతుల సమస్యను పరిష్కరించాలని జన్నారం అభివృద్ధి కమిటీ ఆధ్వర్యంలో చైర్మన్కు వినతిపత్రం అందజేశారు. కార్యక్రమంలో ఆర్డీవో శ్రీనివాస్, జన్నారం ఎఫ్ డీవో రామ్మోహన్, డీటీడీవో రమాదేవి, సీఐ రమణమూర్తి, ఇన్చార్జి తహసీల్దార్ రామ్మోహన్ పాల్గొన్నారు.
