పట్టుదలతో విల్లు పట్టి..
తన గారాల పట్టిని వాలీబాల్ ప్లేయర్గా చూడాలనుకున్నాడు ఓ తండ్రి. కానీ, చిన్నతనంలో జరిగిన ఒక పొరపాటు వల్ల ఆ చిన్నారి కాలికి పోలియో సోకింది. అయితేనేం, ఆ తండ్రీ కూతుళ్ల ఆశయం అంతటితో ఆగిపోలేదు. తండ్రి ప్రోత్సాహంతో పడి లేచిన కెరటంలా ఆర్చరీ విభాగంలోకి అడుగుపెట్టింది. ఆగస్ట్ 27న టోక్యోలో జరగబోతున్న పారాలింపిక్స్ 2020లో మనదేశం తరపున ఏకైక ఉమన్ ఆర్చర్గా బరిలోకి దిగబోతోంది. ఆమె... ఉత్తరప్రదేశ్కి చెందిన 27 ఏళ్ల జ్యోతి బలియాన్.
ఉత్తరప్రదేశ్లోని గొయెలా... జ్యోతి సొంతూరు. వ్యవసాయ కుటుంబంలో పుట్టింది. నాన్న బలియాన్కి స్పోర్ట్స్ అంటే ఇష్టం. ఆ ఇంట్రెస్ట్తోనే తన కూతురుని వాలీబాల్ ప్లేయర్గా చూడాలనుకున్నాడు. తండ్రి కలని నిజం చేయడానికి చిన్నప్పటి నుంచే ప్రాక్టీస్ మొదలుపెట్టింది. కానీ, ఉన్నట్టుండి జ్యోతి తన పదో యేట జబ్బుపడటంతో ఇంజెక్షన్ చేయించారు. దానికి రియాక్షన్ వచ్చి, కాలికి పోలియో సోకింది. దాంతో తండ్రీ కూతుళ్ల ఆశయానికి బ్రేక్ పడినట్లయింది. అయినా సరే పట్టుదల వదల్లేదు. ‘వాలీబాల్ కాకపోతే వేరే స్పోర్ట్ ఆడొచ్చు. కాలు బాగోలేకపోతేనేం, చేతులతో ఆడే ఆటలున్నాయి కదా!’ అని ఎంకరేజ్ చేశాడు తండ్రి. మొదట వద్దని చెప్పినా ఆ తర్వాత నాన్న ఎంకరేజ్మెంట్తోనే ముందడుగు వేసింది జ్యోతి.
నెలరోజుల ప్రాక్టీస్, జీవితాన్నే మార్చేసింది!
స్పోర్ట్స్ అకాడమీకి దగ్గర్లో ఉంటుందని జ్యోతిని వాళ్ల మామ ఇంటికి పంపించాడు బలియాన్. కానీ, ఆ వాతావరణం జ్యోతికి నచ్చలేదు. ఇంటికి వెళ్లి పోదామనుకుంది. అయితే ఆ విషయం తెలిసిన ఆమె కోచ్, ‘ఇంకో నెల రోజుల్లో నేషనల్ గేమ్స్ స్టార్ట్ అవుతాయి. అప్పటి వరకు కోచింగ్ తీసుకో. గెలవకపోతే అప్పుడు నువ్వు వెళ్లిపోవచ్చు’ అన్నాడు. ఆయన మాట విని, నెల రోజులు ప్రాక్టీస్ చేసి, పెర్ఫామ్ చేసింది. నేషనల్ గేమ్స్లో ఛాంపియన్గా నిలిచి, కష్టానికి తగ్గ ఫలితాన్ని అందుకుంది. ఆ రిజల్ట్ చూసి తనను తానే నమ్మలేకపోయింది జ్యోతి. అదే తన జర్నీకి బిగినింగ్ పాయింట్. అప్పటినుంచి ఆమె మనసు పెట్టి ప్రాక్టీస్ చేయడం స్టార్ట్ చేసింది. జ్యోతి వాళ్ల నాన్న లక్ష రూపాయలు లోన్ తీసుకుని, కూతురికి ఆర్చరీ ఎక్విప్మెంట్ కొనిచ్చాడు. అలా జ్యోతి 2011, 2012 సంవత్సరాల్లో జరిగిన నేషనల్ గేమ్స్లో గోల్డ్ మెడల్స్ సాధించింది. దేశవ్యాప్త గుర్తింపుతోపాటు, ఇంటర్నేషనల్ కాంపిటీషన్స్లో పాల్గొనే ఛాన్స్ దక్కింది. ఇక అక్కడి నుంచి వెనక్కి తిరిగి చూసుకోలేదు జ్యోతి. 2014 ఏసియన్ గేమ్స్లో మొదటి ఇండియన్ పారాఆర్చర్గా అడుగుపెట్టి అద్భుతమైన ప్రదర్శన చేసి తొమ్మిదవ స్థానంలో నిలిచింది. ఆ తర్వాత 2017లో వరల్డ్ పారా ఆర్చరీ ఛాంపియన్షిప్లో గెలిచింది. 2019లో ఏసియన్ పారా ఛాంపియన్షిప్లో సిల్వర్ మెడల్ సొంతం చేసుకుంది.
