- అంగన్వాడీలను తొలగించే కుట్ర
- కామారెడ్డి, నిజామాబాద్ కలెక్టరేట్లను ముట్టడించిన టీచర్లు, ఆయాలు
- కామారెడ్డి కలెక్టరేట్ లోకి వెళ్లకుండా అడ్డుకున్న పోలీసులు
కామారెడ్డి, వెలుగు: అంగన్వాడీ ఎంప్లాయీస్ సమస్యలు పరిష్కరించాలని డిమాండ్ చేస్తూ శుక్రవారం సీఐటీయూ ఆధ్వర్యంలో నిజామాబాద్, కామారెడ్డి కలెక్టరేట్ల ఎదుట ఆందోళనలు నిర్వహించారు. కామారెడ్డి జిల్లా కేంద్రంలోని అడ్లూర్ రోడ్డులో మీటింగ్ నిర్వహించిన అనంతరం ర్యాలీగా టీచర్లు, ఆయాలు కలెక్టరేట్కు వెళ్లారు. కలెక్టరేట్లోపలికు వెళ్లేందుకు ప్రయత్నించగా పోలీసులు భారీ కేడ్లు ఏర్పాటు చేసి అడ్డుకున్నారు. భారీకేడ్లను దాటుకుని వెళ్లేందుకు యత్నించినా పోలీసులు వెళ్లనివ్వలేదు. దీంతో అక్కడే బైఠాయించి ధర్నా చేశారు. ఈ సందర్భంగా వారు ఐసీడీఎస్కు బడ్జెట్ పెంచాలని, గ్రాట్యుటీ చెల్లించాలని, టీచర్లతో సమానంగా అంగన్వాడీ ఎంప్లాయీస్కు జీతాలు, ఇతర అలవెన్స్లు కల్పించాలని, ఖాళీ పోస్టులను భర్తీ చేయాలని నినదించారు. తమ సమస్యలు పరిష్కరించకపోతే ఆందోళనను ఉధృతం చేస్తామని హెచ్చరించారు. అనంతరం సీఐటీయూ, అంగన్వాడీ యూనియన్ లీడర్లు కలెక్టర్ జితేశ్వి పాటిల్కు వినతి పత్రం అందజేశారు. సీఐటీయూ జిల్లా కన్వీనర్ కె. చంద్రశేఖర్, ప్రతినిధులు రవీందర్, సురేశ్, కల్పన, యాదమ్మ తదితరులు పాల్గొన్నారు. వీరి ఆందోళనకు కాంగ్రెస్ పార్టీ మద్దతు
తెలిపింది.
ఐసీడీఎస్ను నిర్వీర్యం చేసే కుట్ర
నేషనల్న్యూ ఎడ్యుకేషన్ పాలసీతో ఐసీడీఎస్ వ్యవస్థను నిర్వీర్యం చేసే కుట్ర జరుగుతోందని మాజీ మంత్రి, కాంగ్రెస్ నేత షబ్బీర్అలీ ఆరోపించారు. కామారెడ్డి కలెక్టరేట్ ఎదుట అంగన్వాడీ ఎంప్లాయీస్ఆందోళనకు మద్దతు తెలిపి ధర్నాలో పాల్గొన్నారు. ఈ సందర్భంగా ఆయన మాట్లాడుతూ.. కేంద్రం అంగన్వాడీ ఎంప్లాయీస్ఉపాధికి నష్టం కలిగించే చర్యలు చేపడుతోందని, ఈ నిర్ణయాలను రాష్ర్ట ప్రభుత్వం వ్యతిరేకించకపోవడం ఆందోళన కలిగిస్తోందన్నారు. గతంలో ఆందోళన చేసిన అంగన్వాడీ టీచర్లను స్వయంగా సీఎం ప్రగతి భవన్కు పిలిపించి మాయ మాటలు చెప్పి పంపి, మరుసటి రోజే వాటిని మరచిపోయారన్నారు. అంగన్వాడీ తరఫున కాంగ్రెస్పార్టీ పోరాడుతుందని స్పష్టం చేశారు. డీసీసీ ప్రెసిడెంట్ కైలాస్ శ్రీనివాస్రావు, జడ్పీ ప్లోర్ లీడర్ మోహన్రెడ్డి, లీడర్లు ఆనంద్రావు, భీమ్రెడ్డి, గోనె శ్రీనివాస్, ఐరేని సందీప్ పాల్గొన్నారు.
