కన్నడ నటుడు, రోనీ స్టార్ కిరణ్ రాజ్ (Kiran Raj) మంగళవారం (సెప్టెంబర్ 10న) రోడ్డు ప్రమాదంలో గాయపడ్డాడు. ప్రస్తుతం ఆయన ఐసీయూలో చికిత్స పొందుతున్నారు. కెంగేరి రోడ్డులో ప్రయాణిస్తున్న కిరణ్ రాజ్ కారు డివైడర్‌ను ఢీకొనడంతో ఈ ఘటన చోటుచేసుకుంది. అక్కడ ఉన్న స్థానికులు అతన్ని వెంటనే కెంగేరి సమీపంలోని ఆసుపత్రికి తరలించారు.
తాజా సమాచారం ప్రకారం ఈ ప్రమాదంలో కిరణ్ రాజ్ ఛాతీకి తీవ్ర గాయాలయ్యాయని తెలుస్తోంది. సకాలంలో వైద్యులు చికిత్స చేయడంతో ప్రస్తుతం అతని పరిస్థితి నిలకడగా ఉన్నట్లు సమాచారం. ఈ హెల్త్ అప్డేట్ ఆయన ఫ్యాన్స్ కు కాస్తా ఉపశమనం కలిగిస్తోంది. కాగా ఈ ప్రమాదంలో అతనితో పాటు అతని ఎగ్జిక్యూటివ్ నిర్మాత కూడా ఉన్నట్లు సమాచారం.
ఇకపోతే..కిరణ్ రాజ్ కన్నడ టీవీ షోలలో తనదైన పాత్రతో మంచి గుర్తింపు తెచ్చుకున్నారు. అలాగే టీవీ షోలతో పాటు హిందీ షోలలో కూడా నటించారు. తన షో 'కన్నడతి' తర్వాత 'రాణి' అనే మూవీ షూటింగ్‌ను కంప్లీట్ చేయగా ..అది త్వరలో విడుదల కానుంది.
also read : AartiRavi: జయం రవి విడాకుల్లో ట్విస్ట్..నాకు తెలియకుండానే జయం రవి విడాకుల ప్రకటన
కాగా కిరణ్ రాజ్ లేటెస్ట్ మూవీ రోనీ: ది రూలర్ సెప్టెంబర్ 12, 2024న థియేటర్లలలో రిలీజ్ కానుంది. గురుతేజ్ శెట్టి దర్శకత్వం వహించిన ఈ మూవీలో రాధ్యా, సమీక్ష, రవిశంకర్, బి సురేష్, అపూర్వ, ఉగ్రం మంజు, నటించారు. రవి, యష్ శెట్టి, ధర్మన్న, గిరీష్ హెగ్డే, కారి సుబ్బు, మైకో నాగరాజ్ కీలక పాత్రలు పోషించారు.
