- ఖమ్మం కలెక్టర్ అనుదీప్ దురిశెట్టి
ఖమ్మం టౌన్, వెలుగు : ఖమ్మం నగరంలో సాంస్కృతిక ప్రదర్శనలకు వేదికగా ఉన్న భక్త రామదాసు కళాక్షేత్రం ఆధునీకరణకు చర్యలు చేపట్టాలని కలెక్టర్ అనుదీప్ దురిశెట్టి అధికారులను ఆదేశించారు. శనివారం భక్త రామదాసు కళాక్షేత్రాన్ని మున్సిపల్ కమిషనర్ అభిషేక్ అగస్త్య తో కలిసి ఆయన సందర్శించారు.
చేపట్టాల్సిన టాప్ ప్రూఫ్ లీకేజీ, ఎంట్రీ, ఎగ్జిట్ గేట్, పార్కింగ్, కలర్ వాష్, పరిసరాల్లో పచ్చదనం కోసం మొక్కల పెంపు, నిర్వాహణ రిపేర్లపై పలు సూచనలు చేశారు. భక్తరామదాసు కళాక్షేత్రం ఆకర్షణీయంగా తయారు చేయడం, సౌండ్, ఆడియో వ్యవస్థను మెరుగు పర్చడం, పూర్తి స్థాయిలో లైటింగ్ ఏర్పాటుకు చర్యలు, గోడలకు సంప్రదాయక వాల్ పెయిటింగ్స్, సీటింగ్ ఆరేంజ్మెంట్స్, టాప్ ప్రూఫ్ వాటర్ లీకేజీ, కళాక్షేత్రం బయట పరిసరాల్లో గ్రీనరీకి చర్యలు, పూర్తి స్థాయి రిపేర్ పనులకు ప్రతిపాదనలు సమర్పించాలని అధికారులను ఆదేశించారు.
ఇంజినీరింగ్ అధికారులు తయారుచేసిన మోడల్ డిజైన్ మ్యాప్ లు, ఆర్కిటెక్చర్ రూపొందించి నమూనా వీడియోను పరిశీలించారు. కలెక్టర్ వెంట జడ్పీ సీఈఓ దీక్షా రైనా, పంచాయతీరాజ్ ఈఈ మహేశ్ బాబు, మున్సిపల్ డిప్యూటీ కమిషనర్ శ్రీనివాస్, అసిస్టెంట్ కమిషనర్ అనిల్, ఖమ్మం అర్బన్ తహసీల్దారు సైదులు, మునిసిపల్ డీఈ ధరణి కుమార్, ట్లౌన్ ఫ్లానింగ్ అధికారి సంతోష్ ఉన్నారు.
