- మంత్రి హరీశ్రావును విమర్శించే స్థాయి ఆయనకు లేదు
- ఖమ్మం జిల్లా పరిషత్ చైర్మన్ లింగాల కమల్రాజు కామెంట్
ముదిగొండ, వెలుగు : సీఎల్పీ నేత భట్టి విక్రమార్కకు మంత్రి హరీశ్రావు, కేసీఆర్ ను విమర్శించే స్థాయి లేదని ఖమ్మం జిల్లా పరిషత్ చైర్మన్ లింగాల కమల్ రాజు ఫైర్అయ్యారు. శుక్రవారం ముదిగొండలోని బీఆర్ఎస్లీడర్మందారపు ఎర్ర వెంకన్న ఇంట్లో ఆయన మీడియాతో మాట్లాడారు. కేసీఆర్, హరీశ్రావును తిడితే పెద్ద లీడర్ను అవుతానని భట్టి విక్రమార్క అనుకుంటే పొరపాటే అవుతుందన్నారు. రాష్ట్ర ప్రభుత్వం చేస్తున్న అభివృద్ధిని చూసి ఓర్వలేక ఇష్టమొచ్చినట్లు మాట్లాడుతున్నారని, మధిరలో భట్టి పాదయాత్రకు పట్టుమని 10 మంది రాలేదని విమర్శించారు.
ALSO READ: టికెట్ రాలేదని నాకేం బాధలేదు : లావుడియా రాములు నాయక్
జిల్లాలో దొర ఎవరైనా ఉన్నారంటే అది దళిత దొర భట్టి విక్రమార్కనే అన్నారు. మధిరలో 100 పడకల హాస్పిటల్ఏర్పాటు చేయాలని ఎప్పుడైనా అడిగివా అని ప్రశ్నించారు. కమల్రాజు వెంట బీఆర్ఎస్ మండల అధ్యక్షుడు వాచేపల్లి లక్ష్మారెడ్డి, ఎంపీపీ సామినేని హరిప్రసాద్, మండల కార్యదర్శి గడ్డం వెంకట్, రైతు సమన్వయ సమితి అధ్యక్షుడు పోట్ల ప్రసాద్ తదితరులు ఉన్నారు.
