ఖానాపూర్, వెలుగు: గ్రామ పంచాయతీ సర్పంచ్ గా గెలిపిస్తే గ్రామంలోని ఆడ బిడ్డ పెళ్లికి రూ.5 వేలు ఇస్తానని నిర్మల్ జిల్లా ఖానాపూర్ మండలం బీర్ నంది పంచాయతీ ఎన్నికల్లో సర్పంచ్ గా పోటీ చేస్తున్న అభ్యర్థి మూల శ్రీధర్ గౌడ్ బాండ్ పేపర్ మీద హామీ ఇస్తున్నారు. సర్పంచ్ గా పోటీ చేస్తున్న ఆయన ఓ మేనిఫెస్టోను రూపొందించి ప్రచారంలో ప్రజలకు పంచుతున్నాడు.
గ్రామంలోని మల్లన్న గుడి కోసం రెండు గుంటల భూమి ఇస్తానని, పేదలు చనిపోతే వారి కుటుంబ సభ్యులకు రూ.5 వేల ఆర్థిక సాయం చేస్తానంటున్నారు. గ్రామంలోని పలు ప్రధాన వీధుల్లో సీసీ కెమెరాలు ఏర్పాటు చేస్తానని, విద్యార్థుల కోసం గ్రంథాలయాన్ని కూడా ఏర్పాటు చేస్తానని హామీ ఇస్తూ ప్రచారం చేస్తున్నారు.
