- ఆరేండ్లుగా కొల్లాపూర్ ఎమ్మెల్యే క్యాంప్ ఆఫీస్ కడ్తనే ఉన్నరు
నాగర్ కర్నూల్, వెలుగు: జిల్లాలోని మూడు నియోజకవర్గ కేంద్రాల్లో నిర్మించిన ఎమ్మెల్యే క్యాంప్ ఆఫీసులు ఎన్నడో ప్రారంభం కాగా, కొల్లాపూర్ ఎమ్మెల్యే క్యాంప్ ఆఫీస్ పనులు మాత్రం మధ్యలో నిలిచిపోయాయి. పనులు ఎందుకు ఆగిపోయాయని అడిగితే, ఆర్అండ్బీ ఇంజనీర్లు సమాధానం చెప్పడం లేదు. ఆరేండ్ల కింద పనులు ప్రారంభించి, నాలుగేండ్ల కింద పిల్లర్లు, స్లాబ్ వేసి వదిలేశారు. మొండి గోడలతో పిచ్చి చెట్ల మధ్య భూత్బంగ్లాగా మారింది.
అన్ని క్యాంప్ ఆఫీసుల మాదిరిగానే..
అన్ని నియోజకవర్గ కేంద్రాల మాదిరిగానే కొల్లాపూర్లో ఎమ్మెల్యే క్యాంప్ ఆఫీస్ కట్టడానికి 2016 అక్టోబర్లో రూ. కోటి కేటాయించారు. మండల పరిషత్ కాంప్లెక్స్ ఆవరణలో స్థలం కేటాయించారు. కొల్లాపూర్లో కల్వకుర్తి గెస్ట్ హౌజ్ను అనఫిషియల్ క్వార్టర్గా వినియోగించుకున్న జూపల్లి కృష్ణారావు, 2018లో ఎమ్మెల్యేగా గెలిచిన బీరం హర్షవర్దన్రెడ్డి పెండింగ్లో ఉన్న క్యాంప్ ఆఫీస్ పనులు కంప్లీట్ చేయడంపై పెద్దగా ఇంట్రెస్ట్ తీసుకోలేదు. నాలుగేండ్లుగా అసంపూర్తిగా మిగిలిపోయిన బిల్డింగ్ వాస్తు బాగా లేదనే ప్రచారం కూడా ఉంది. అందులోకి వెళ్తే ఫ్యూచర్ ఉండదన్న ప్రచారం జరిగింది. 2018లో పనులు కంప్లీట్చేసి అప్పగించాలని అగ్రిమెంట్ ఉన్నా సంబంధిత అధికారులు దీని ఊసెత్తడం లేదు. ఆర్అండ్బీ స్టేటస్ రిపోర్ట్లో మాత్రం వర్క్ కంప్లీట్ అని పేర్కొన్నారు.
