ఎల్లారెడ్డిపేట, వెలుగు: ఎల్లారెడ్డిపేట మండలం సింగారం గ్రామం దర్శాల గుట్టపై ఉన్న దుర్వేషావలి దర్గాను మాజీ మంత్రి, సిరిసిల్ల ఎమ్మెల్యే కేటీఆర్ దర్శించుకున్నారు. మంగళవారం దర్గాలో షేక్ అజీజ్ ఆధ్వర్యంలో ఉర్సు ఉత్సవాలు ప్రారంభమయ్యాయి. ఈ ఉత్సవాలు ప్రతి ఏటా రెండు రోజుల పాటు నిర్వహిస్తారు. కేటీఆర్ దర్గాపై చాదర్ కప్పి పూలమాల వేశారు. ఆయనతోపాటు బీఆర్ఎస్‌ జిల్లా అధ్యక్షుడు తోట ఆగయ్య, జడ్పీటీసీ చీటీ లక్ష్మణ్ రావు, కృష్ణారెడ్డి, అందె సుభాష్, వాసరవేణి దేవరాజు, నర్సాగౌడ్ తదితరులు పాల్గొన్నారు.
