బిజినెస్ చేద్దాం.. రెడీనా?
ఇండియావైపు రష్యా కంపెనీల చూపు
రష్యాలోఈయూ, యూఎస్ బ్రాండ్లు బంద్
న్యూఢిల్లీ : ఉక్రెయిన్తో యుద్ధం చేస్తున్న కారణంగా యూరప్సహా చాలా దేశాలు రష్యాతో వ్యాపార సంబంధాలను తెంచుకున్నాయి. తమ బ్రాండ్లను అమ్మడం లేదు. కొన్ని కంపెనీలు అయితే ఆపరేషన్స్ను పూర్తిగా నిలిపివేశాయి. దీంతో చాలా వస్తువులకు కొరత ఏర్పడింది. రష్యాతో మన దేశానికి మంచి దోస్తీ ఉంది. అందుకే అక్కడి కంపెనీలు బిజినెస్ కోసం ఇండియావైపు చూస్తున్నాయి. రష్యా ఈ–-కామర్స్ ప్లాట్‌‌‌‌ఫారమ్‌‌‌‌లు ఓజోన్, యాండెక్స్ మార్కెట్, ఫుడ్ సప్లిమెంట్స్ సంస్థ ఫార్మ్‌‌‌‌స్టాండర్డ్, డెంటల్ ప్రొడక్ట్స్ డిస్ట్రిబ్యూటర్ సిమ్‌‌‌‌కోడెంట్, అతిపెద్ద ఫుడ్ రిటైలర్ ఎక్స్5 రిటైల్ గ్రూప్, కాన్ఫెక్షనరీ మేజర్ యూనికాన్ఫ్ వంటివి వ్యాపార ఒప్పందాల కోసం ఇండియాతో చర్చిస్తున్నాయి. రష్యాపై రిస్ట్రిక్షన్ల కారణంగా యూరోపియన్, అమెరికన్ బ్రాండ్లు ఆ దేశానికి కన్జూమర్ ఎలక్ట్రానిక్స్, దుస్తులతో సహా చాలా వస్తువులను సరఫరా చేయడం మానేశాయి. ఇదే దేశానికి చెందిన యాండెక్స్ మార్కెట్.. దిగుమతులు, లాజిస్టిక్స్, కస్టమ్స్ క్లియరెన్స్, స్టోరేజీ, డిస్ట్రిబ్యూషన్ బిజినెస్లు చేస్తుంది. దుస్తులు ఫ్యాషన్, పిల్లల బొమ్మలు, బెడ్ లినెన్, హోమ్ డెకర్, వస్త్రాలు, ఎలక్ట్రానిక్స్, వంటగది వస్తువులు, టీ, తోలు వంటి వాటిని ఇండియా నుంచి కొనేందుకు అవకాశాలను వెతుకుతోంది. డ్రింక్స్, సీఫుడ్, టీ, కాఫీ, చికోరీ, రైస్, క్యాన్డ్ ఫుడ్, కిచెన్‌‌‌‌వేర్, ద్రాక్ష వంటి వాటి కొనుగోలు కోసం ఇండియా సప్లైయర్స్తో కలసి పనిచేస్తామని రష్యా ఫుడ్ రిటైలర్ ఎక్స్5 తెలిపింది. ఇందుకోసం ఎక్స్5 గ్రూప్ ప్రతినిధులు ఏప్రిల్ చివరి వారంలో మనదేశానికి వస్తారు. ప్రస్తుతం ఎక్స్5 ప్రపంచవ్యాప్తంగా 60 కంటే ఎక్కువ దేశాల నుంచి వస్తువులను కొనుగోలు చేస్తోంది. ఎక్స్5 గ్రూప్ ఇంపోర్ట్ వాల్యూమ్‌‌‌‌ల పరంగా ఇండియా టాప్ 20 దేశాలలో ఒకటి. లాభదాయకమైన భారతీయ వస్తువుల సరఫరాను సమీప భవిష్యత్తులో పెంచాలని ప్లాన్ చేస్తున్నామని కంపెనీ ఎగ్జిక్యూటివ్ ఒకరు చెప్పారు.
బకాయిలు ఇంకా రాలేదు రష్యా కంపెనీలు ఇండియాతో మాట్లాడుతున్నది నిజమే అయినా, పేమెంట్స్ సమస్యపై రెండువైపులా ఆందోళన ఉందని సంబంధిత ఆఫీసర్ ఒకరు చెప్పారు. యుద్ధం వలన ఏర్పడిన సమస్యలతో ఇండియా ఎక్స్పోర్టర్లకు రష్యా నుంచి 200 మిలియన్ డాలర్ల విలువైన బకాయిలు రావాల్సి ఉంది. ఇలాంటి ఎగుమతిదారుల వివరాలను ఇటీవల కేంద్ర కామర్స్, ఇండస్ట్రీ మినిస్ట్రీ తీసుకుంది. ఇక నుంచి ఇండియా బ్రాండ్లను తన ప్లాట్ఫారమ్ ద్వారా అమ్మేందుకు ఒజోన్ రెడీ అయింది. కమీషన్ పద్ధతిలో ఇండియన్ వస్తువులను ఇది ఆన్లైన్లో అమ్ముతుంది. వ్యవసాయానికి సంబంధించిన కొన్ని ప్రొడక్టులపై యూనికాంఫ్ఆసక్తి చూపిస్తోంది. ఇది రష్యా కాన్ఫెక్షనరీ మార్కెట్లో లీడర్కూడా. ఫార్మాస్యూటికల్స్, మెడికల్ డివైజ్లు, ఎక్విప్మెంట్ల కోసం కనీసం ఐదు రష్యా కంపెనీలు భారతదేశం నుండి సప్లైల గురించి ఆరా తీస్తున్నాయని మరొక ఇండస్ట్రీ ప్రతినిధి ఒకరు చెప్పారు. వీటిలో కొన్ని కంపెనీలకు సప్లైలు అవసరం కాగా, మరికొన్ని డిస్ట్రిబ్యూషన్లో ఒప్పందం కోసం చూస్తున్నాయి. మాస్కోలోని ఒక సెల్లర్ భారతదేశం నుండి పాలిస్టర్ నూలును కొనుగోలు చేయడానికి ఆసక్తిని కనబరుస్తున్నారని తెలుస్తోంది. జర్మనీ, చైనా, టర్కీ , ఇటలీలోని సప్లైయర్లపై ఆధారపడటాన్ని తగ్గించడానికి ఈ నిర్ణయం తీసుకున్నట్టు టెక్స్‌‌‌‌టైల్ పరిశ్రమ వర్గాలు తెలిపాయి. ఇండియాతో బిజినెస్కు సంబంధించి కొన్ని ఇతర రష్యా కంపెనీలకు పంపిన ఈ–మెయిల్‌‌‌‌లకు సమాధానం లేదు.
మరిన్ని వార్తల కోసం..
