ఇమ్యూనిటీ కోసం డైలీ ఫుడ్ మెనూ ఇలా..

ఇమ్యూనిటీ ఇట్లొస్తది..
మనిషి పుట్టిననాటి నుంచి జీవితాంతం తోడుండేది ‘ఇమ్యూనిటీ’. దీన్ని కాపాడుకోవాలి. అవసరం వచ్చినప్పుడు పెంచుకోవాలి. ఇప్పుడు దాని అవసరం వచ్చింది. అందరూ పరుగులు తీసేది ఇమ్యూనిటీ కోసమే. హెల్దీ లైఫ్‌‌ స్టయిల్ను అలవాటు చేసుకోవడమే ఇమ్యూనిటీ మంత్రం. మంచి అలవాట్లు, బ్యాలెన్స్డ్ డైట్ , వ్యాయామం తప్పనిసరి. ఉరుకుల పరుగులతో వచ్చిపడే మానసిక ఒత్తిడి ముప్పు కలిగిస్తుందని అంటున్నారు డాక్టర్లు. మారుతున్న పరిస్థితులు, లైఫ్ స్టయిల్లో మార్పులు , కొత్త అలవాట్లకు మొగ్గు చూపడం వంటివి ఇమ్యూనిటీని ప్రభావితం చేస్తూ ఉంటాయి. ఏది ఏమైనప్పటికీ అందరూ శరీరంలో ఇమ్యూనిటీని పెంచుకుంటేనే రోగాల నుంచి బయటపడొచ్చు. ఈ పరిస్థితుల్లో ఆసుపత్రి అవసరం రాకముందే ఆరోగ్యాన్ని కాపాడుకోవడం అత్యంత అవసరం. అలాంటి ఆరోగ్యకరమైన ముందు జాగ్రత్తలనే డాక్టర్లు చెబుతున్నారు.

డైట్‌‌తో పాటు ఎక్సర్సైజ్
మనిషికి ఫుడ్ ఎంత ముఖ్యమో, ఎక్సర్సైజ్ కూడా అంతే ముఖ్యం. ఏ వృత్తిలో ఉన్నా ఎక్సర్సైజ్ చేస్తే హెల్దీగా ఉండొచ్చు. రోజుకు మూడు పూటలా ఫుడ్ తీసుకున్నట్టే మార్నింగ్ లేదా ఈవెనింగ్ టైంలో ఎక్సర్సైజ్ చేయాలి. ఈ కరోనా తీవ్రంగా ఉన్న టైంలో ఎక్సర్సైజ్ చేయడం వల్ల హెల్దీగా ఉంటారు కూడా.

లోకల్ సూపర్ ఫుడ్స్..!
ఇమ్యూనిటీ ఫుడ్ అనంగనే అది కాస్ట్లీగా ఉండేదే కానవసరం లేదు. నట్స్, అవిసె గింజలు, మునగాకు, బెర్రీస్, దానిమ్మ, నేరేడు, ఉసిరి, పసుపు, చిరుధాన్యాలు, వెల్లుల్లి వంటి లోకల్ ఫుడ్స్ కూడా సూపర్ ఫుడ్సే. వాటిలో మొత్తం యాంటీ ఆక్సిడెంట్లు, పోషకాలు ఉంటాయి. ఇవి మన శరీరానికి కావాల్సిన శక్తిని, బలాన్ని ఇస్తాయి. వాటితో పాటు రెసిస్టెన్స్ పవర్ కూడా పెరుగుతుంది.
డైలీ ఫుడ్ మెనూ ఇలా

రోజుకు మూడు సార్లు మంచి ఫుడ్ తీసుకోవడం ద్వారా కరోనా నుంచి త్వరగా కోలుకోవచ్చు. జంక్ ఫుడ్ను పూర్తిగా మానేయాలి.
తినే తిండిలో విటమిన్‌‌– సి, జింక్‌‌ ఉండాలి.
నీటిలో నానబెట్టిన నట్స్‌‌, సీడ్స్‌‌ తినాలి. వీటిలో యాంటీ ఆక్సిడెంట్లే కాకుండా మంచి పోషకాలు కూడా ఉంటాయి.
రోజూ గుడ్డు తినడం తప్పనిసరి.
కరోనా వల్ల జ్వరంతో బాధపడుతుంటే కిచిడీ తినాలి.
రాగి జావ లేదా ఓట్స్‌‌, విటమిన్‌‌- బి, పిండి పదార్థాలు ఉండేవి తినాలి.
నీళ్లు ఎక్కువగా తాగాలి. హైడ్రేషన్‌‌ ఎలాంటి అనారోగ్యం నుంచైనా త్వరగా కోలుకునేలా చేస్తుంది.
బటర్‌‌ మిల్క్‌‌, ఓఆర్‌‌ఎస్‌‌, కొబ్బరి నీరు, హెర్బల్‌‌ టీలు ఆరోగ్యానికి మంచివి.
ఏ పూటకు ఆ పూట తాజాగా వండిన ఫుడ్ తింటే మంచిది.
పండ్లు, కూరగాయలు డైట్‌‌లో తప్పకుండా ఉండాలి.
పాలకూర, టమాట, బీట్‌‌రూట్‌‌ ఎక్కువగా తీసుకోవాలి.
షుగర్, గుండె సంబంధిత హెల్త్ ప్రాబ్లముంటే మాత్రం డాక్టర్ల సూచనల ప్రకారం డైట్ తీసుకోవాలి.
ఎక్సర్సైజ్ వీలైతే తరచూ యోగాసనాలు చేయాలి.

ఫుడ్తోనే ఇమ్యూనిటీ..!
మంచి ఫుడ్తోనే ఇమ్యూనిటీ పెరుగుతుంది. అందరినీ ఎంతగానో భయపెడుతున్న కరోనా వైరస్‌‌ బారిన పడకుండా ఉండాలన్నా, ఒక వేళ సోకినా మనం తీసుకునే ఫుడ్ విషయంలో ప్రత్యేకంగా జాగ్రత్తలు తీసుకోవాలి. పోషక విలువలు ఎక్కువగా ఉండే ఫుడ్ను తినాలి. పండ్లు, నట్స్‌‌, అన్నం, చపాతి, గుడ్లు ఇలా ఏది తినగలిగితే అది రోజు వారి మెనూలో ఉండాలి. ముఖ్యంగా వేడిగా ఉండాలి. ప్రస్తుతం, సీజన్‌‌ కూడా మారుతోంది. దానికి అనుగుణంగా ఆహారం మార్చుకోవాలి.