భద్రాద్రికొత్తగూడెం, వెలుగు: కొత్తగూడెం పట్టణం పోస్టాఫీస్సెంటర్లోని శ్రీనివాస ఫిల్లింగ్ స్టేషన్పై కేసు నమోదైంది. రెండు లీటర్ల పెట్రోల్ పోయిస్తే అర లీటర్ తక్కువ వచ్చిందని బాధితుడు జైలుద్దీన్ బంక్ యాజమాన్యం దృష్టికి తెచ్చాడు. కాగా తాము పెట్రోల్ సరిగానే పోశామని బంక్ సిబ్బంది తనపై దుర్భాషలాడారని బాధితుడు ఆరోపించాడు. దీనిపై బాధితుడు పోలీస్ స్టేషన్లో కంప్లైంట్ చేశాడు.
తక్కువ పెట్రోల్ వచ్చిన విషయమై పెట్రోల్ బంక్ను తనిఖీ చేశానని తూనికలు, కొలతల శాఖాధికారి మనోహర్ పేర్కొన్నారు. కొలతల్లో తేడా లేదని, జీరో చేయకుండా గుమాస్తా తన చేతి వాటం ప్రదర్శించడంతోనే పెట్రోల్ తక్కువగా వచ్చిందని తెలిపారు. ఈ మేరకు కేసు నమోదు చేశామని చెప్పారు.
