భద్రాద్రి కొత్తగూడెం, వెలుగు : హంగూ, ఆర్భాటాలతో భద్రాద్రి కొత్తగూడెం జిల్లాలోని గవర్నమెంట్ స్కూళ్లలో ఏర్పాటు చేసిన డిజిటల్ క్లాసెస్ మున్నాళ్ల ముచ్చటగా మారాయి. దాదాపు రూ. 1.85 కోట్లతో జిల్లాలోని వంద స్కూల్స్లో ఏర్పాటు చేసిన డిజిటల్క్లాసెస్ పట్ల ఎంతో ఆసక్తి చూపిన స్టూడెంట్స్.. ప్రస్తుతం అవి పనిచేయకపోవడంతో అధికారుల తీరుపై అసంతృప్తి వ్యక్తం చేస్తున్నారు. నీతిఅయోగ్లో భాగంగా పవర్ ప్రాజెక్ట్ సంస్థ సీఎస్ఆర్ ఫండ్స్తో భద్రాద్రికొత్తగూడెం జిల్లాలోని 100 గవర్నమెంట్స్కూల్స్లో డిజిటల్ క్లాసెస్ను ఏడాదిన్నర కిందట కలెక్టర్ అనుదీప్ ప్రారంభించారు. డిజిటల్ క్లాసెస్కు సంబంధించి ఎన్ఈఎక్స్ టీ ఎడ్యుకేషన్అనే సంస్థతో ఒప్పందం చేసుకున్నారు. మూడేండ్లపాటు డిజిటల్ క్లాసెస్కు సంబంధించి మెటీరియల్ఎప్పటికప్పుడు అప్డేట్ చేసి ఇచ్చేలా ప్లాన్చేశారు. ఆరో తరగతి నుంచి ఇంటర్మీడియట్వరకు డిజిటల్బోధనకు టీచర్లు శ్రీకారం చుట్టారు. సబ్జెక్ట్లలో ఉన్న చాప్టర్స్ను వీడియో, యానిమేషన్పద్ధతిలో చెబుతుండడంతో స్టూడెంట్స్కూడా డిజిటల్ క్లాసెస్పై ఆసక్తి చూపించారు.
ప్రధానంగా కస్తూర్బా విద్యాలయ స్టూడెంట్స్డిజిటల్ క్లాసెస్ను ఎక్కువగా ఉపయోగించుకున్నారు. ఏజెన్సీ ప్రాంతాల్లోని స్టూడెంట్స్ను డిజిటల్క్లాసెస్ ఎంతగానో ఆకట్టుకున్నాయి. అయితే నెట్సిగ్నల్స్ లేక పలుచోట్ల ఇబ్బందులు ఎదురయ్యాయి. అయినప్పటికీ ఏడాదిన్నర పాటు సక్సెస్ఫుల్గా నడిచిన డిజిటల్క్లాసెస్ మూడు నెలలుగా నిలిచిపోయాయి. దీంతో స్టూడెంట్స్తో పాటు టీచర్లలో నిరుత్సాహం నెలకొన్నది. ఏడాది పాటే టెండర్ ఉందని, లైసెన్స్ రెన్యువల్చేయించుకోవాలని ఎన్ఈఎక్స్టీ సంస్థ చెబుతోంది. రెన్యువల్ చేయించుకోవాలంటే దాదాపు రూ. 80 లక్షలు కట్టాలని విద్యాశాఖాధికారులు పేర్కొంటున్నారు. కాగా డిజిటల్క్లాసెస్కు సంబంధించి ఎన్ఈఎక్స్ టీ సంస్థతో తమకు మూడేండ్ల అగ్రిమెంట్ ఉన్నప్పటికీ ఏవో సాంకేతిక కారణాలు చూపుతూ క్లాసెస్ను ఆపేశారని విద్యాశాఖాధికారులు వాపోతున్నారు. విషయాన్ని కలెక్టర్ దృష్టికి తీసుకెళ్లామని పేర్కొంటున్నారు. డిజిటల్ క్లాసెస్ను పునరుద్ధరించేలా అధికారులు చర్యలు చేపట్టాలని స్టూడెంట్స్తో పాటు టీచర్లు కోరుతున్నారు.
త్వరలో క్లాసెస్ స్టార్టవుతయ్
డిజిటల్ క్లాసెస్ ను స్టూడెంట్స్ చాలా బాగా రిసీవ్ చేసుకున్నారు. సాంకేతిక కారణాలు చూపిస్తూ ఎన్ఈఎక్స్టీ సంస్థ డిజిటల్ క్లాసెస్ను ఆపేసింది. మూడేండ్లపాటు ఒప్పందం అన్నారు. ఇప్పుడేమో ఏడాది అంటున్నారు. ఈ విషయం కలెక్టర్దృష్టికి తీసుకెళ్లాం. డిజిటల్ క్లాసెస్ విషయంలో కలెక్టర్ప్రత్యేక చొరవ చూపుతున్నారు. త్వరలోనే క్లాసెస్స్టార్ట్అయ్యే అవకాశం ఉంది.
– సోమశేఖర శర్మ, డీఈఓ, భద్రాద్రికొత్తగూడెం
స్టూడెంట్స్ ఆసక్తి చూపుతున్నారు
పినపాక జడ్పీహెచ్ఎస్ స్కూల్లో డిజిటల్ క్లాసెస్ స్టూడెంట్స్ను ఎంతగానో ఆకట్టుకున్నాయి. సిగ్నల్స్లేక స్టూడెంట్లు కొంత ఇబ్బందికి గురైనప్పటికీ క్లాసెస్ చాలా ఆహ్లాదకరంగా సాగాయి. డిజిటల్ క్లాసెస్ ఆగిపోవడం పట్ల స్టూడెంట్స్అసంతృప్తి వ్యక్తం చేస్తున్నారు. క్లాసెస్ తిరిగి ప్రారంభించేలా అధికారులు చర్యలు చేపట్టాలి.
– రాంగోపాల్, టీచర్, పినపాక
డిజిటల్ క్లాసెస్ బాగున్నయ్
డిజిటల్క్లాసెస్ చాలా బాగున్నాయి. గతేడాది డిజిటల్ పద్ధతిలో పాఠాలు చెప్పడంతో బాగా అర్థమయ్యాయి. వీడియో, యానిమేషన్పద్ధతిలో మనసుకు హత్తుకునేలా పాఠాలున్నాయి. ఇప్పుడు డిజిటల్ క్లాసెస్ ఆగిపోవడం బాధగా ఉంది. అధికారులు స్పందించి తిరిగి స్టార్ట్అయ్యేలా చూడాలి.
– నిధి, పదో తరగతి స్టూడెంట్, జడ్పీహెచ్ఎస్ పినపాక
