అంబర్ పెట్ లో భారీ అగ్నిప్రమాదం జరిగింది. రెనాల్ట్, మహీంద్రా సర్వీసింగ్ సెంటర్ గోదాంలో భారీగా మంటలు ఎగసిపడుతున్నాయి. సోమవారం ( ఏప్రిల్ 27 ) జరిగిన ఈ ఘటనకు సంబంధించి వివరాలిలా ఉన్నాయి.. అంబర్ పెట్ 6వ నంబర్ చౌరస్తాలోని రెనాల్ట్ షోరూం,మహీంద్రా షోరూంలలో భారీగా మంటలు ఎగసిపడుతున్నాయి. దట్టమైన పొగ పరిసరాలను కమ్మేసింది. ఈ ఘటనలో గోదాంలోని సామాగ్రి కాలి బూడిదయ్యింది.
షార్ట్ సర్క్యూట్ కారణంగా ప్రమాదం జరిగి ఉండచ్చని భావిస్తున్నారు. ఘటనపై సంచారం అందుకున్న ఫైర్ సిబ్బంది మంటలు అదుపులోకి తెస్తున్నారు. రెండు ఫైర్ ఇంజిన్లతో మంటలు ఆర్పుతున్నారు ఫైర్ సిబ్బంది. ఈ ప్రమాదంలో లక్షల్లో ఆస్తి నష్టం జరిగి ఉండచ్చని అంచనా వేస్తున్నారు. అయితే.. ఈ ఘటనలో ఎలాంటి ప్రాణనష్టం జరగకపోవడంతో అంతా ఊపిరి పీల్చుకున్నారు.
