అనకాపల్లి జిల్లాలో భారీ అగ్నిప్రమాదం జరిగింది. జిల్లాలోని పరవాడ ఫార్మాసిటీలో ఉన్న అరబిందో ఫార్మా పరిశ్రమలో అకస్మాత్తుగా మంటలు చెలరేగాయి. శుక్రవారం ( అక్టోబర్ 23 ) తెల్లవారుజామున జరిగిన ఈ ఘటనకు సంబంధించి వివరాలిలా ఉన్నాయి... అరబిందో ఫార్మా పరిశ్రమ యూనిట్ 15 ప్రొడక్షన్ బ్లాక్ లో ఒక్కసారిగా మంటలు చెలరేగడంతో ఈ ప్రమాదం జరిగింది.
ఇవాళ తెల్లవారుజామున 5:30 గంటల సమయంల ప్రొడక్షన్ బ్లాక్ నుంచి మంటలు చెలరేగాయి. ఇది గమనించిన సిబ్బంది అప్రమత్తమై వెంటనే మంటలు అదుపులోకి తెచ్చారు. ఈ ప్రమాదంలో ఎవరికి ఎలాంటి గాయాలు కాకపోవడంతో ఊపిరి పీల్చుకున్న అధికారులు.
ఎలక్ట్రికల్ షార్ట్ సర్క్యూట్, లేదా కెమికల్ రియాక్షన్ వల్ల ఈ అగ్ని ప్రమాదం జరిగి ఉండొచ్చని అధికారులు అంచనా వేస్తున్నారు. ఒక్కసారిగా మంటలు ఎగిసిపడటంతో పరుగులు తీసిన షిఫ్ట్ లో ఉన్న ఉద్యోగులు.
తెల్లవారుజామున కావడంతో షిఫ్ట్ లో తక్కువ మంది ఉద్యోగులు ఉండటంతో పెను ప్రమాదం తప్పిందని అంటున్నారు అధికారులు. ఈ ఘటన ప్రమాదవశాత్తు జరిగిందా లేక ఎవరైనా సిబ్బంది నిర్లక్ష్యం కారణమా అన్నది విచారణ చేపట్టి బాద్యులపై చర్యలు తీసుకుంటామని తెలిపారు అధికారులు.
