కోరుట్ల, వెలుగు: గర్భిణి అయిన డాక్టర్ కు అంగన్ వాడీ సెంటర్ లో సీమంతం నిర్వహించారు. జగిత్యాల జిల్లా మెట్పల్లి టౌన్ సాయిరాం నగర్ అంగన్ వాడీ సెంటర్ లో శుక్రవారం ఆరోగ్యలక్ష్మి కార్యక్రమంలో భాగంగా గర్భిణులకు సీమంతం, పిల్లలకు అన్నప్రాసన చేశారు. గర్భిణి అయిన స్థానిక ప్రైమరీ హెల్త్ సెంటర్ డాక్టర్ వాణి రెడ్డికి అంగన్ వాడీ సిబ్బంది సీమంతం జరిపించారు.
అంగన్ వాడీ సెంటర్ లో తనకు సీమంతం చేయడం ఆనందంగా ఉందని డాక్టర్వాణిరెడ్డి తెలిపారు. ప్రభుత్వం అందించే పౌష్టికాహారాన్ని 5 నెలలుగా తీసుకుంటున్నట్లు చెప్పారు. ప్రభుత్వ సదుపాయాలను వినియోగించుకుని ఆరోగ్యంగా ఉండాలని ఆమె సూచించారు. డాక్టర్ ప్రతిరోజు సెంటర్కు వచ్చి ఫుడ్ తీసుకుంటున్నారని సూపర్వైజర్ ప్రతిభ తెలిపారు. అంగన్ వాడీ సూపర్వైజర్ ప్రతిభ, టీచర్ అమృత, ఆయా సుజాత, ఏఎన్ఎం, ఆశావర్కర్లు ఉన్నారు.
