కరీంనగర్, వెలుగు : కరీంనగర్ రివర్ ఫ్రంట్ అద్భుతమైన పర్యాటక ప్రాంతంగా మారనుందని మంత్రి గంగుల కమలాకర్ అన్నారు. కలెక్టరేట్ సమావేశ మందిరంలో మంగళవారం మానేరు రివర్ ఫ్రంట్ వద్ద చేపట్టే పనులపై పవర్ పాయింట్ ప్రజంటేషన్ ద్వారా ఐఎన్ఏ స్టూడియో ప్రతినిధులు మంత్రికి వివరించారు. ఈ సందర్భంగా మంత్రి మాట్లాడుతూ ఫారిన్ టూరిస్టులను ఆకర్షించేలా కేబుల్ బ్రిడ్జి, మానేరురివర్ ఫ్రంట్ పనులను చేపట్టినట్లు తెలిపారు. లోయర్ ప్రామినెడ్, అప్పర్ ప్రామినెడ్ పనులు, ఆ తర్వాత సివిల్ పనులను చేపట్టాలని సూచించారు.
ప్రజాప్రతినిధులు ప్రజల మన్ననలు పొందాలి
కరీంనగర్ రూరల్ : ప్రజాప్రతినిధులు ప్రజల మనసు చూరగొనెలా పనిచేయాలని రాష్ట్ర బీసీ సంక్షేమ, పౌర సరఫరాల శాఖ మంత్రి గంగుల కమలాకర్ అన్నారు. కరీంనగర్ రూరల్ మండల జనరల్బాడీ మీటింగ్‌‌‌‌కు మంత్రి హాజరై మాట్లాడుతూ... అభివృద్ధి అనేది నిరంతర ప్రక్రియ అని రాష్ట్ర సీఎం కేసీఆర్తోనే అభివృద్ధి సాధ్యమని ప్రజలు పూర్తిస్థాయి విశ్వాసంతో ఉన్నారన్నారు. పల్లెల్లో ప్రతి ఇంటికి సంక్షేమ పథకాలు చేరుతున్నాయన్నారు. బీజేపీ, కాంగ్రెస్లు మళ్లీ ఓట్ల కోసం వస్తున్నారని, వారిని నమ్మే పరిస్థితి లేదన్నారు.
కరీంనగర్ రూరల్ మండలంలో పెండింగ్ పనులకు రూ.16 కోట్లు మంజూరు చేశామని, ఈ పనులకు టెండర్లు పూర్తయ్యాయని త్వరలోనే పనులు ప్రారంభించనున్నట్లు చెప్పారు. కార్యక్రమంలో కలెక్టర్ గోపి, అదనపు కలెక్టర్ ప్రపుల్ దేశాయ్, ఆర్డీవో మహేశ్వర్, జడ్పీ సీఈవో వీర బుచ్చయ్య, ఎంపీపీ లక్ష్మయ్య, జడ్పీటీసీ లలిత, ప్యాక్స్ చైర్మన్ శ్యామ్సుందర్రెడ్డి, ఎంపీడీవో జగన్ మోహన్రెడ్డి, ఎంపీటీసీలు, సర్పంచులు పాల్గొన్నారు.
