చుక్కనీరు లేని ప్రాంతంలో సీఎం కేసీఆర్ సముద్రాన్ని సృష్టించారని మంత్రి నిరంజన్ రెడ్డి అన్నారు. 20 ఏండ్ల కిత్రం తెలంగాణ ఉద్యమం రాకముందు సిద్ధిపేట, దుబ్బాక ప్రాంతాల్లో చుక్కనీరు కూడా దొరికేది కాదని గుర్తుచేశారు. ఒకప్పుడు మంచినీళ్లు కూడా లేక ప్రజలు నానా ఇబ్బందులు పడ్డారని చెప్పారు. 14 ఏళ్ల పోరాటంలో తెలంగాణ సాధించుకున్న తర్వాత సీఎం కేసీఆర్ ప్రాజెక్టులు కట్టి.. ఇంటింటికి నీటిని అందిస్తున్నారని అన్నారు. దుబ్బాకలో గతంలో జరిగిన పొరపాటు మళ్లీ జరగకుండా ఇక్కడి ప్రజలు చూడాలన్నారు.
తెలంగాణలో 90 స్థానాలు గెలుస్తామని చెబుతున్న బీజేపీ.. ముందుగా 90 మంది అభ్యర్థులను పెట్టుకోవాలని మంత్రి నిరంజన్ రెడ్డి అన్నారు. 18 రాష్ట్రాల్లో అధికారంలో ఉండి ఎక్కడైనా ఒక్క ప్రాజెక్ట్ కట్టారా అని ప్రశ్నించారు. బీజేపీ వాళ్లు ప్రాజెక్టులు కట్టరని.. తాము కడితే ఏడుస్తున్నారని ఆయన విమర్శించారు. ఎన్నికష్టాలు వచ్చినా రైతు బంధు ఆపలేదని గుర్తుచేశారు. 10 విడతల్లో ఇప్పటికే 42 లక్షల ఎకరాలకు రైతుబంధు ఇచ్చామని చెప్పారు. కోటి 50 లక్షల ఎకరాలకు రైతుబంధు ఇస్తున్నామన్నారు. ప్రజలంతా సీఎం కేసీఆర్కు అండగా ఉండాలని మంత్రి నిరంజన్ రెడ్డి పిలుపునిచ్చారు.
