ఫ్యాషన్ డిజైనర్ అవ్వాలనుకుంది. కానీ, పేదకుటుంబం కావడంతో కాలేజీ ఫీజు, ఎగ్జామ్ ఫీజు కట్టలేని పరిస్థితి. అలాగని చదువు మానేయలేదు. ఏదో ఒక పని చేసి అయినా ఫీజు కట్టాలనుకుంది. కెఎఫ్సిలో డెలివరీ గర్ల్గా చేరింది. ఫీజుకి అవసరమయ్యే డబ్బులు సంపాదిస్తూ కుటుంబానికి ఆసరా అవుతున్న ఈ అమ్మాయి పేరు మీరాబ్. పాకిస్తాన్లోని లాహోర్కి చెందిన ఈమె స్టోరీ సోషల్ మీడియాలో వైరల్ అవుతోంది.
లాహోర్లోని యొహనాబాద్లో ఉంటోంది మిరాబ్. ఫ్యాషన్ డిజైనింగ్ డిగ్రీ చదువుతోంది. అయితే పేదరికం కారణంగా కాలేజీ ఫీజు కట్టలేమని చెప్పారు తల్లిదండ్రులు. దాంతో పార్ట్టైమ్ జాబ్ చేసి ఫీజు కట్టాలి అనుకుంది. ఇంటికి దగ్గర్లోని కెఎఫ్సిలో డెలివరీ గర్ల్గా చేరింది. ఆ సంపాదనతో డిగ్రీ ఫీజు కట్టడమే కాకుండా అనారోగ్యంతో ఉన్న తల్లి దవాఖానా ఖర్చు కూడా భరిస్తోంది మీరాబ్. ఆమె గురించి తెలిసి కాలేజీ ఫీజు కట్టేందుకు ఒక ఫౌండేషన్ ముందుకొచ్చింది. అయినా కూడా ‘నా కుటుంబానికి ఆసరాగా ఉండేందుకు జాబ్ చేస్తా. సొంతంగా ఫ్యాషన్ బ్రాండ్ పెట్టాలనేది నా లక్ష్యం’ అంటోంది మీరాబ్. ఫిజా ఇజాజ్ అనే మహిళ మీరాబ్ గురించి లింక్డ్ఇన్లో పోస్ట్ చేసింది. ఇప్పటి వరకు ఆ పోస్ట్ని 52వేల మందికి పైగా చూశారు.
