సిద్దిపేట, వెలుగు : జిల్లాలోని చిన్నకోడూరు మండలం పెద్ద కోడూరు ఏఆర్ఆర్ముడ్పోలీస్ హెడ్ క్వార్టర్ లో మంగళవారం గన్ క్లీన్ చేస్తుండగా మిస్ ఫైర్అయి ఓ హెడ్ కానిస్టేబుల్ తీవ్రంగా గాయపడ్డాడు. పోలీసుల కథనం ప్రకారం..సిద్దిపేట రూరల్ మండలం పుల్లూరు గ్రామానికి చెందిన సుతారి రాజశేఖర్ 2013 బ్యాచ్ హెడ్ కానిస్టేబుల్ గా పోలీస్ ఏఆర్ఆర్ముడ్హెడ్ క్వార్టర్స్ లో డ్యూటీ చేస్తున్నాడు. కొద్ది రోజుల క్రితం నంగునూరు మండలం రాజగోపాల్ పేట పీఎస్పరిధిలో మాబులేషన్ నిర్వహించిన ఆయుధాలను మంగళవారం ఏఆర్ పోలీస్ ఆర్మ్ డ్ క్వార్టర్స్ లో రాజశేఖర్ క్లీన్ చేస్తున్నాడు.
ఈ క్రమంలో ఓ ఏకే47 గన్ లో ఉండే చీప్ కదలడంతో బుల్లెట్ దూసుకువచ్చి అతడి కుడి భుజాన్ని, కుడికన్నును తాకుతూ వెళ్లింది. ఈ ఘటనలో తీవ్రంగా గాయపడ్డ కానిస్టేబుల్ రాజశేఖర్ ను పోలీసులు సిద్దిపేట ప్రభుత్వ హాస్పిటల్ కు తరలించారు. ఫస్ట్ఎయిడ్చేసిన తర్వాత అక్కడి నుంచి హైదరాబాద్లోని సరోజిని ఐ హాస్పిటల్ కు తీసుకువెళ్లారు. ప్రాణాపాయం లేదని డాక్టర్లు చెప్పారు.
