స్టేషన్ఘన్పూర్, వెలుగు: జనగామ జిల్లా స్టేషన్ఘన్పూర్ డివిజన్ కేంద్రంలోని సీహెచ్సీ ని సోమవారం ఉదయం 10.35కు ఎమ్మెల్యే కడియం శ్రీహరి తనిఖీ చేశారు. ఆస్పత్రిలోని పలు వార్డులను సందర్శించి, డాక్టర్ల అటెండెన్స్ రిజిస్టర్ను పరిశీలించారు. మొత్తం 8 మంది డాక్టర్లకు ముగ్గురు డాక్టర్లు డ్యూటీలో ఎండగా, మిగిలిన ఐదుగురు డాక్టర్లు సూపరిటెండెంట్ సంధ్యరాణి, డాక్టర్లు ప్రదీప్, సుమన్, సౌఖ్య, రజిని గైర్హాజర్ కావడంపై ఆగ్రహం వ్యక్తం చేశారు. పీహెచ్సీలో పనిచేసే డిప్యూటీ డీఎంహెచ్వో సుధీర్, వైద్య సిబ్బంది డ్యూటీలో లేకపోవడంపై మండిపడ్డారు.
డాక్టర్ల నిర్లక్ష్యంపై కలెక్టర్ రిజ్వాన్ బాషా షేక్తో ఎమ్మెల్యే మాట్లాడారు. సకాలంలో డ్యూటీకి రానివారిపై చర్యలు తీసుకోవాలన్నారు. స్పందించిన కలెక్టర్ స్పెషల్ డిప్యూటీ కలెక్టర్ సుహసిని, డీఎంహెచ్వో హరీశ్రాజ్ను పంపించారు. వారు ఆసుపత్రిని విజిట్ చేసి, అటెండెన్స్ రిజిస్టర్లను స్వాధీనం చేసుకున్నారు. అంతకుముందు ఆస్పత్రిలోని పేషెంట్లతో మాట్లాడారు.
అనంతరం ఎమ్మెల్యే మాట్లాడుతూ స్టేషన్ఘన్పూర్కు 100 బెడ్ల ఆస్పత్రి మంజూరు చేస్తూ గతంలో జీవో రిలీజ్ అయ్యిందని, ఆస్పత్రి నిర్మాణానికి అవసరమైన నిధులు, డాక్టర్ల పోస్టులు మంజూరు కోసం కృషి చేస్తామన్నారు. ఎమ్మెల్యే వెంట మాజీ ఏఎంసీ చైర్మన్ చింతకుంట్ల నరేందర్రెడ్డి, ఎంపీటీసీ గన్ను నర్సింహులు, కాంగ్రెస్ జిల్లా నాయకులు బెలిదె వెంకన్న, నీరటి ప్రభాకర్ ఉన్నారు.
