నార్కట్పల్లి, వెలుగు: బ్రాహ్మణ వెల్లంల ప్రాజెక్టు నీటితో చెరువులు నింపుతున్న నేపథ్యంలో రైతుల్లో ఆనందం కనిపిస్తోందని ఎమ్మెల్యే వేముల వీరేశం అన్నారు. బుధవారం నార్కట్పల్లి మండలంలోని బ్రాహ్మణ వెల్లంల ప్రాజెక్టు కుడి కాలువకు నీటిని విడుదల చేశారు. ఈ సందర్భంగా ఆయన మాట్లాడుతూ.. రాష్ట్రం కాంగ్రెస్అధికారంలోకి వచ్చాక ప్రాజెక్టుల పనులు శరవేగంగా పూర్తి చేస్తున్నట్లు పేర్కొన్నారు. జిల్లా మంత్రులు కోమటిరెడ్డి వెంకటరెడ్డి, ఉత్తమ్ కుమార్ రెడ్డి సహకారంతో పంటలకు నీరందిస్తున్నామని చెప్పారు. కుడి కాల్వ ద్వారా గోపాలయపల్లి, నార్కట్పల్లి, ఏడవల్లి, ఏపీ లింగోటం గ్రామాల్లో చెరువులు నింపుతున్నట్లు పేర్కొన్నారు. గత ప్రభుత్వం పదేండ్లు ఈ ప్రాజెక్టుపై విపక్ష చూపిందని ఆరోపించారు.
బ్రాహ్మణ వెల్లంల ప్రాజెక్టు ద్వారా నకరికల్ నియోజకవర్గంలో 62 వేల ఎకరాలకు సాగు నీరందిస్తామన్నారు. అనంతరం నార్కెట్పల్లి బస్ డిపోలో మూడు కొత్త బస్సులను ప్రారంభించారు. త్వరలో షాపింగ్ కాంప్లెక్స్, పెట్రోల్ బంక్ ఏర్పాటు చేయనున్నట్లు తెలిపారు. ఈఈ శ్రీనివాస్ రెడ్డి, కాంగ్రెస్మండల అధ్యక్షుడు బత్తుల ఊషయ్య గౌడ్, నాయకులు బండ సాగర్ రెడ్డి, పాశం శ్రీనివాస్ రెడ్డి, దూదిమెట్ల సత్తయ్య, సట్టు సత్తయ్య, వడ్డె భూపాల్ రెడ్డి, నేతగాని
కృష్ణయ్య,శశిధర్ రెడ్డి, జేరిపోతుల భరత్ తదితరులు పాల్గొన్నారు.
