హైదరాబాద్, వెలుగు: లోక్ సభ ఎన్నికల కౌంటింగ్ ప్రక్రియ సజావుగా జరిగేలా చూడాలని హైదరాబాద్జిల్లా ఎన్నికల అధికారి రోనాల్డ్ రోస్ ఆదేశించారు. కౌంటింగ్ సిబ్బంది సమర్థంగా విధులు నిర్వహించాలని సూచించారు. శనివారం బంజారా హిల్స్ లోని కుమ్రం భీమ్ భవనంలో మైక్రో అబ్జర్వర్లు, కౌంటింగ్ సూపర్వైజర్లు, కౌంటింగ్ అసిస్టెంట్లు, ఏఆర్ఓలకు కౌంటింగ్ ప్రక్రియపై శిక్షణ తరగతులు నిర్వహించారు. ఈ సందర్భంగా రోనాల్డ్ రోస్ మాట్లాడుతూ.. జిల్లాలో ఓట్ల లెక్కింపునకు మొత్తం 16 కౌంటింగ్ కేంద్రాలను ఏర్పాటు చేశామని తెలిపారు.
సెగ్మెంట్ల వారీగా ఉదయం 8 గంటలకు కౌంటింగ్ ప్రారంభమవుతుందని చెప్పారు. ఎలాంటి తప్పిదాలకు ఆస్కారం లేకుండా, నిబంధనలు పాటించాలని సూచించారు. ఈవీఎంలలో టెక్నికల్ప్రాబ్లమ్తలెత్తితే సంబంధిత నిపుణులు అందుబాటులో ఉండిసరి చేస్తారని, ప్రతి హాల్ లో14 టేబుళ్ల చొప్పున ఏర్పాటు చేస్తున్నామని చెప్పారు. ఓట్ల లెక్కింపులో మైక్రో అబ్జర్వర్ల పాత్ర చాలా కీలకమైనదని, రౌండ్ల వారీగా ప్రతి రిపోర్ట్ ను ఎన్నికల అబ్జర్వర్లకు ఇవ్వాల్సి ఉంటుందన్నారు. ఏ సమస్య ఉన్నా ఏఆర్ఓకు తెలుపాలని సూచించారు. కౌంటింగ్ కేంద్రాల్లోకి మొబైల్ ఫోన్లు అనుమతించబడవు అని స్పష్టం చేశారు. హైదరాబాద్ కలెక్టర్ అనుదీప్ దురిశెట్టి, అడిషనల్కలెక్టర్ హేమంత్ కేశవ్ పాటిల్, ఇతర ఉన్నతాధికారులు పాల్గొన్నారు.
