సౌతాఫ్రికా మాజీ క్రికెటర్ ఫాఫ్ డుప్లెసిస్ తర్వాత మరో క్రికెటర్ ఐపీఎల్ వద్దని పాకిస్థాన్ సూపర్ లీగ్ ఆడాలని నిర్ణయించుకున్నాడు. ఇంగ్లాండ్ మాజీ క్రికెట్ ఆల్ రౌండర్ మొయిన్ అలీ ఐపీఎల్ 2026 మినీ ఆక్షన్ కు దూరమయ్యాడు. ఐపీఎల్ బదులు పాకిస్థాన్ సూపర్ లీగ్ ఆడాలనే తన కోరికను వ్యక్తపరిచాడు. ఇప్పటికే డుప్లెసిస్ ఐపీఎల్ కాకుండా PSL ఆడాలని చెప్పిన తర్వాత మొయిన్ కూడా ఇదే స్టేట్ మెంట్ ఇవ్వడం షాకింగ్ గా మారింది. ఇంగ్లాండ్ జట్టుకు దూమైన మొయిన్.. గత సీజన్ ఐపీఎల్ లో పెద్దగా రాణించలేదు. తుది జట్టులో తక్కువ అవకాశాలు రావడంతో ఐపీఎల్ వద్దనుకున్నట్టు వార్తలు వస్తున్నాయి.
మొయిన్ అలీ ఎక్స్ లో ఇలా రాసుకొచ్చాడు.. "న్యూ ఎరాలో పాకిస్థాన్ సూపర్ లీగ్ లో చేరడం నాకు నిజంగా సంతోషంగా ఉంది. ఈ లీగ్ టీ20 క్రికెట్కు ఖ్యాతిని సంపాదించుకుంది. ప్రతి జట్టులో మంచి ప్లేయర్స్ ఉన్నారు. ప్రపంచ స్థాయి ఆటగాళ్లు.. ప్రతిభ గల ఆటగాళ్లు ఈ లీగ్ లో ఆడుతున్నారు. పాకిస్తాన్లో ఆడటం ఎల్లప్పుడూ అద్భుతమైనది. అక్కడ క్రికెట్ నాణ్యత అత్యద్భుతంగా ఉంటుంది. ప్రేక్షకుల ఎంకరేజ్ మెంట్ తో అత్యుత్తమ ప్రతిభ బయటకు వస్తుంది. నేను దానిలో భాగం కావాలని.. ఈ ప్రయాణంలో కొన్ని గొప్ప జ్ఞాపకాలను సృష్టించాలని ఎదురు చూస్తున్నాను". అని ఈ ఇంగ్లాండ్ మాజీ ఆల్ రౌండర్ ఎక్స్ లో చెప్పుకొచ్చాడు.
►ALSO READ | Hardik Pandya: బౌలింగ్లో అట్టర్ ఫ్లాప్.. బ్యాటింగ్లో సూపర్ హిట్: కంబ్యాక్లో హార్దిక్ పాండ్యకు మిశ్రమ ఫలితాలు
మొయిన్ అలీ 2018 నుండి ఐపీఎల్లో ఆడుతూ వస్తున్నాడు. రాయల్ ఛాలెంజర్స్ బెంగళూరు, చెన్నై సూపర్ కింగ్స్, కోల్కతా నైట్ రైడర్స్ వంటి జట్లకు ప్రాతినిధ్యం వహించాడు. ఐపీఎల్ కెరీర్ లో 73 మ్యాచ్లు ఆడాడు. బ్యాటింగ్ లో 1167 పరుగులు చేసిన మొయిన్.. బౌలింగ్ లో 41 వికెట్లు పడగొట్టాడు. గత ఆసీజన్ లో పెద్దగా ఆకట్టుకోలేకపోవడంతో మొయిన్ అలీని కోల్కతా నైట్ రైడర్స్ రిలీజ్ చేసింది. 2026 మినీ ఆక్షన్ లో వచ్చే అవకాశం ఉన్నా వద్దనుకున్నాడు. ఇంగ్లాండ్ తరఫున 92 టీ20 అంతర్జాతీయ మ్యాచ్లు ఆడిన మోయిన్కు గతంలో పాకిస్థాన్ సూపర్ లీగ్ ఆడిన అనుభవం ఉంది. ముల్తాన్ సుల్తాన్స్ తరపున 9 మ్యాచ్ల్లో ఆడాడు.
