పెళ్లికి అమ్మ కట్టిన చీర.. జాబితాలో చేరిపోయిన నిహారిక

అమ్మ చీరలతో ఎన్నో జ్ఞాపకాలు ముడిపడి ఉంటాయి కూతుళ్లకి. అఫ్కోర్స్ కొడుకులకి కూడా. కాకపోతే కూతుళ్లకి మరికాస్త ఎక్కువగా ఉంటాయి. చీర కొంగు పట్టుకు తిరిగిన రోజులు, ఆడిన ఆటలు ఎప్పటికీ మెమరబుల్ డేసే వాళ్లకి. అమ్మ భద్రంగా ట్రంక్ పెట్టెల్లో, బీరువాల్లో దాచుకున్న పెళ్లి చీర తీసి చూపిస్తుంటే ప్రతీ కూతురు ఎమోషనల్గా ఫీలవుతుంది. ఆ ఎమోషన్ క్యారీ చేసేందుకు అమ్మ పెళ్లప్పుడు కట్టుకున్న చీరలనే తమ పెళ్లి వేడుకల్లో కట్టుకుంటున్నారు చాలామంది.

రీసెంట్గా ఆ లిస్ట్లో నిహారిక కూడా చేరిపోయింది… మెగా డాటర్ నిహారిక ఈ నెల తొమ్మిదిన పెళ్లి పీటలెక్కనున్న సంగతి తెలిసిందే. రీసెంట్గా తన పెళ్లికూతురు ఫంక్షన్ ఫొటోలని ఇన్స్టాగ్రామ్లో పోస్ట్ చేసింది.32 ఏళ్ల క్రితం తన తల్లి పెళ్లి వేడుకల్లో కట్టుకున్న చీరని కట్టుకుని అందర్నీ సర్ప్రైజ్ చేసింది.‘‘ఈ చీర మా అమ్మది’’ అంటూ ఓ క్యాప్షన్ కూడా పెట్టింది.

కేవలం నిహారికే కాదు ఇంతకుముందు కూడా చాలామంది సెలబ్రిటీలు తమ పెళ్లిళ్లకి అమ్మల చీరలనే ఎంచుకున్నారు. ముఖేష్ అంబానీ గారాలపట్టి ఇషా కూడా తన తల్లి నీతూ అంబానీ పెళ్లి చీరనే తన పెళ్లి లెహంగాగా మార్చుకుంది. నీతా చీరని తన పెళ్లి లెహంగాలా డిజైన్ చేయించుకుంది.

అలాగే బాలీవుడ్ స్టార్ హీరోయిన్ సోనమ్ కపూర్ తల్లి పెళ్లి చీరని ఇన్స్పిరేషన్గా తీసుకుని స్పెషల్గా డ్రెస్ డిజైన్ చేయించుకుంది. ఒక వేడుకలో శ్రద్ధాకపూర్, జాన్వీకపూర్లు కూడా మదర్స్ శారీస్తో అదరగొట్టారు. కేవలం అమ్మల చీరలే కాదు కొందరు సెలబ్రిటీలు అత్తల చీరల్ని కూడా పెళ్లి వేడుకలకి ఎంచుకుంటున్నారు.

తన పెళ్లిలో కరీనా వేసుకున్న డ్రెస్ అత్త షర్మిలా ఠాగూర్దే. గ్లోబల్ స్టార్ ప్రియాంక చోప్రా కూడా మదర్ ఇన్ లా వెడ్డింగ్ అవుట్ఫిట్నే తన చర్చ్ మ్యారేజ్లో వేసుకుంది. అమ్మాయిలే కాదు అబ్బాయిలు కూడా ఈమధ్య అమ్మల చీరలతో డ్రెస్లు కుట్టించుకుంటున్నారు.