ఫ్లిప్ ఫోన్ అలియాస్ ఫోల్డింగ్ ఫోన్.. ఒకప్పుడు ఫోన్ల ప్రపంచాన్ని ఊపేసిన ఫోన్ అది. 2000వ సంవత్సరంలో మోటోరోలా తీసుకొచ్చిన ఆ ఫోన్కు అప్పట్లో ఉన్న ఆ క్రేజే వేరు. మళ్లీ ఇప్పుడు ఆ మోడల్ ఫోన్నే కొంచెం కొత్తగా, స్మార్ట్గా తీసుకొచ్చేసింది మోటోరోలా. రేజర్ పేరుతో గురువారం మార్కెట్లోకి విడుదల చేసింది. 6.2 అంగుళాల డిస్ప్లేతో వచ్చిన ఫోన్ను మధ్యలోకి మడతపెట్టేయొచ్చు. పాత మోడల్ ఫ్లిప్ ఫోన్లో కింద కీప్యాడ్, పైన స్క్రీన్ ఉండేది. కొత్త స్మార్ట్ఫ్లిప్లో మొత్తం స్క్రీనే ఉంటుంది. ఆ స్క్రీన్ మధ్యలోకి మడతపడిపోతుంది. శాంసంగ్ గెలాక్సీ ఫోల్డ్లాగే ఉన్నా, రేజర్ మాత్రం కొంచెం కొత్తగా ఉంటుందని కంపెనీ చెబుతోంది. గెలాక్సీ ఫోల్డ్ను పుస్తకంలా మడిచేస్తే, రేజర్ను నిలువుగా మడతపెట్టాలని అంటోంది. ఫోన్ను క్లోజ్ చేస్తే 2.7 అంగుళాల క్విక్ వ్యూ డిస్ప్లే ఉంటుంది. ఆ డిస్ప్లేలోనే నోటిఫికేషన్లు కనిపిస్తాయి. స్మార్ట్ఫోన్లో ఉండే అన్ని ఫీచర్లతో వస్తోంది రేజర్. ప్రస్తుతానికి కేవలం అమెరికాలోనే అమ్మకాలు జరగనున్నాయి. వచ్చే ఏడాది కెనడా, బ్రిటన్లో విడుదల చేయనున్నారు.
కెమెరా: 16 ఎంపీ (వెనక), 5 ఎంపీ సెల్ఫీ కెమెరా
సెన్సర్లు: ఫింగర్ప్రింట్ రీడర్, యాక్సెలోమీటర్, మాగ్నెటోమీటర్, గైరో, ప్రాక్సిమిటీ, యాంబియెంట్ లైట్, జీపీఎస్.
బ్యాటరీ: 2510 ఎంఏహెచ్, ఫోన్లోనే
ఫిక్స్ అయి ఉంటుంది.
చార్జింగ్: 15 వాట్ టర్బోపవర్.
కనెక్టివిటీ: 4జీ, యూఎస్బీ 3.0 (టైప్ సీ)
