సత్తుపల్లి, వెలుగు : బీసీ బిల్లు కోసం పోరాడుతామని ఎంపీ వద్దిరాజు రవిచంద్ర అన్నారు. రెండోసారి రాజ్యసభ సభ్యుడిగా ప్రమాణ స్వీకారం చేసి తొలిసారి జిల్లాకు విచ్చేసిన వద్దిరాజు రవిచంద్రను శుక్రవారం సత్తుపల్లిలో మండల బీసీ సంఘాలు ఘనంగా సత్కరించాయి. ఈ సందర్భంగా ఆయన మాట్లాడుతూ రానున్న లోక్ సభ ఎన్నికల్లో బీఆర్ఎస్ అభ్యర్థులను గెలిపిస్తే బీసీ బిల్లును పార్లమెంట్ లో ప్రవేశ పెట్టేలా పోరాడుతామన్నారు. కార్యక్రమంలో బీసీ సంఘాల నాయకులు చాగంటి శ్రీనివాసరావు మాధురి మధు సుంకర వాసు, పెద్దిరెడ్డి పురుషోత్తం, రాము, యోగానందం, వినుకొండ వెంకటేశ్వర రావు, యాస రాంబాబు తదితరులు పాల్గొన్నారు.
