శాన్ఫ్రాన్సిస్కో : ట్విట్టర్ పిట్ట స్థానంలో ఎక్స్ లోగోను తీసుకువచ్చిన మస్క్కు కొత్త చిక్కులు ఎదురయ్యాయి. శాన్ఫ్రాన్సిస్కోలోని ట్విట్టర్ ప్రధాన కార్యాలయం పై నుంచి ఈ లోగో సింబల్ను తొలగించారు. స్థానికుల నుంచి ఫిర్యాదులు అందడంతోనే ఈ నిర్ణయం తీసుకున్నట్టు తెలుస్తోంది. కొత్తగా ఏర్పాటు చేసిన ఈ ఎక్స్ లోగోలో సాధారణ స్థాయి కన్నా ప్రకాశవంతమైన లైటింగ్ను ఉపయోగించారు.
ఈ లైటింగ్ ఫోకస్ చుట్టుపక్కల వారి ఇళ్లలోకి నేరుగా పడుతోందట. ఇది వారి నిద్రకు భంగం కలిగిస్తుందని స్థానికుల నుంచి ఫిర్యాదులు వెల్లువెత్తాయి. దీంతో హెడ్ ఆఫీస్ పైనుంచి ఈ లోగోను తొలగించారు. ఎక్స్ లోగో అశ్లీల సైట్కు సింబల్లా ఉందంటూ నెట్టింట ట్రోలింగ్ జరుగుతోంది. ఈ లోగో ఏర్పాటుపై తమ అనుమతి తీసుకోలేదంటూ ఇప్పటికే శాన్ఫ్రాన్సిస్కో యంత్రాంగం విచారణకు ఆదేశించింది.
