మంచిర్యాల, వెలుగు: జనాభాకు అనుగుణంగా చట్టసభల్లో బీసీల ప్రాతినిధ్యం పెరగాల్సిన అవసరముందని మధ్యప్రదేశ్ ప్రభుత్వ ప్రిన్సిపల్సెక్రటరీ, పెద్దపల్లి జిల్లాకు చెందిన ఐఏఎస్ పరికిపండ్ల నరహరి అన్నారు. తెలంగాణ బీసీ జాగృతి ఆధ్వర్యంలో మంగళవారం మంచిర్యాలలోని ఓ ఫంక్షన్హాల్లో నిర్వహించిన బీసీల అలయ్ బలయ్ కార్యక్రమానికి ఆయన చీఫ్ గెస్ట్గా హాజరై మాట్లాడారు. మంచిర్యాల నియోజకవర్గంలో మెజారిటీ బీసీలున్నప్పటికీ ఎన్నికల్లో ఆ వర్గానికి టికెట్లు రావడం లేదన్నారు.
ప్రధాన రాజకీయ పార్టీలు బీసీలకు టికెట్లు ఇచ్చి చట్టసభలకు పంపాలని కోరారు. తెలంగాణ బీసీ జాగృతి రాష్ట్ర నాయకులు నరెడ్ల శ్రీనివాస్ ఆధ్వర్యంలో జరిగిన కార్యక్రమంలో ఆలయం ఫౌండేషన్డిప్యూటీ సీఈవో రాజేంద్రకుమార్, మున్సిపల్వైస్ చైర్మన్గాజుల ముఖేశ్ గౌడ్, డాక్టర్లు పి.రమణ, బి.రఘునందన్, నీలకంఠేశ్వర్గౌడ్, కర్రె లచ్చన్న, నీలి శ్రీనివాస్, జోగుల శ్రీదేవి, బీసీ జాగృతి టౌన్ప్రెసిడెంట్వైద్య భాస్కర్, వర్కింగ్ ప్రెసిడెంట్ పొట్టల మల్లేశ్ తదితరులు పాల్గొన్నారు.
