వరంగల్/ నర్సంపేట, వెలుగు : మహిళా ఖైదీ మృతి ఘటనలో నర్సంపేట సబ్ జైలర్లక్ష్మీశృతి సస్పెండ్ అయ్యారు. వరంగల్ఉమ్మడి జిల్లా సబ్ జైళ్ల అధికారి పరావస్తు వెంకటేశ్వర స్వామి శనివారం రాత్రి మీడియాకు వివరాలు తెలిపారు. ఈనెల 21న జైలులో మహిళా ఖైదీ పెండ్యాల సుచరిత అనుమానాస్పద స్థితిలో మృతి చెందారు. ఆమె మృతిపై శనివారం ‘వీ6 వెలుగు’ లో ‘ మహిళా ఖైదీ మృతి ఘటనలో ట్విస్ట్!’ పేరిట న్యూస్ పబ్లిష్ అయింది.
అదేవిధంగా అదే రోజు జైలు నుంచి విడుదలైన మరో మహిళా ఖైదీ ఆడియో వాయిస్ సోషల్మీడియాలో వైరల్అయింది. మరో వైపు దళిత సంఘాల ఆందోళనలు చేశాయి. దీంతో సబ్ జైలర్లక్ష్మీశృతి నిర్లక్ష్యం, బాధ్యతరాహిత్యాన్ని పై ఆఫీసర్లు ప్రాథమికంగా గుర్తించి చర్యలకు నివేదిక ను ఉన్నతాధికారులకు సిఫారసు చేశారు.
దీంతో సబ్ జైలర్లక్ష్మీశృతిని సస్పెండ్చేస్తూ రాష్ట్ర జైళ్ల శాఖ డీజీ సౌమ్యా మిశ్రా ఉత్తర్వులు జారీ చేశారు. కాగా.. సబ్ జైలర్గా వరంగల్ఉమెన్ జైలర్ స్రవంతిని పూర్తి స్థాయి ఇన్ చార్జ్ గా నియమించారు.
