హైదరాబాద్, వెలుగు : నెట్లింక్స్ లిమిటెడ్ రెవెన్యూ సెప్టెంబర్ 2023 క్వార్టర్లో 97 శాతం పెరిగి రూ. 4.71 కోట్లకు చేరింది. అంతకు ముందు ఏడాది క్యూ2 లో కంపెనీ రెవెన్యూ రూ. 2.39 కోట్లు మాత్రమేనని కంపెనీ తెలిపింది. సెప్టెంబర్ 2023 క్వార్టర్లో లాభం ఏకంగా 261 శాతం గ్రోత్తో రూ. 1.34 కోట్లయింది. అంతకు క్రితం ఏడాది క్యూ2 లో నెట్లింక్స్ లిమిటెడ్ లాభం రూ. 37 లక్షలే. క్యూ2 లో మంచి పెర్ఫార్మెన్స్ సాధించగలిగామని, కంపెనీ చేజిక్కించుకున్న రూ. 11.20 కోట్ల పెద్ద ఆర్డరు వల్లే ఇది సాధ్యమైందని నెట్లింక్స్ మేనేజింగ్ డైరెక్టర్ డా మనోహర్ లోకారెడ్డి చెప్పారు. రాబోయే క్వార్టర్స్లోనూ ఇదే ట్రెండ్ కొనసాగుతుందనే ఆశాభావాన్ని వ్యక్తం చేశారు. వాటాదారులకు లాంగ్టర్మ్ వాల్యూ క్రియేట్ చేసే దిశలో బోనస్ షేర్స్ ఇష్యూను సక్సెస్ఫుల్గా పూర్తి చేశామని అన్నారు.
