హైదరాబాద్, వెలుగు: ఎల్ఐసీ తన కస్టమర్ల కోసం ‘యాప్ మై ఎల్ఐసీ’, సేల్స్ ప్రతినిధుల కోసం ‘సూపర్ సేల్స్ సాథీ’ యాప్ను అందుబాటులోకి తెచ్చింది. పాలసీదారులు తమ బీమా వివరాలను ఒకే చోట చూసుకోవడానికి మై ఎల్ఐసీ యాప్ఉపయోగపడుతుంది. మార్కెటింగ్ సిబ్బంది పనితీరు పెంచేలా సూపర్ సేల్స్ సాథీ యాప్ రూపొందించారు.
ఏఐ టెక్నాలజీతో రూపొందిన ఈ యాప్ల ద్వారా ప్రీమియం చెల్లింపులు, పాలసీ లోన్లు, ఈ–-కేవైసీ సేవలు వేగంగా పొందవచ్చు. కస్టమర్లు ఆఫీసులపై ఆధారపడటాన్ని తగ్గించడమే వీటి లక్ష్యమని కంపెనీ తెలిపింది.
