హైదరాబాద్, వెలుగు: ఈ–కామర్స్సేవలు అందించే హైదరాబాద్కంపెనీ నిహార్ ఇన్ఫో గ్లోబల్ జూన్ క్వార్టర్లో కార్యకలాపాల ద్వారా రూ.35.13 కోట్ల ఆదాయాన్ని సాధించింది. నికర లాభం రూ.49 వేలుగా నమోదైంది. డిజిటల్ టెక్నాలజీ రంగానికి చెందిన ఈ సంస్థ తన గోల్డ్ అండ్ సిల్వర్ షాప్ ను అత్యంత సమగ్రమైన విలువైన లోహాల ప్లాట్ఫామ్గా విస్తరిస్తున్నట్లు ప్రకటించింది. జెరోదా భాగస్వామ్యంతో భారతీయ గోల్డ్, సిల్వర్ ఈటీఎఫ్ సేవలను అందుబాటులోకి తెస్తోంది.
అంతర్జాతీయ ఈటీఎఫ్ల కోసం గిఫ్ట్ సిటీలోని ఎన్ఎస్ఈ ఐఎక్స్ తో కూడా వ్యూహాత్మక ఒప్పందాలు చేసుకుంది. కస్టమర్ల సౌలభ్యం కోసం గోల్డ్ లోన్లు, బైబ్యాక్ సేవలను డిజిటల్ పద్ధతిలో అందించనుంది. ఏఐ టెక్నాలజీతో మార్కెట్ ట్రెండ్స్, కస్టమర్ సేవలను మెరుగుపరచాలని కంపెనీ యాజమాన్యం నిర్ణయించింది.
