వీ మెగా పిక్చర్స్ బ్యానర్ లో మొదటి సినిమా చేసే అవకాశం కొట్టేసాడు యంగ్ హీరో నిఖిల్ సిద్దార్థ్. మెగాపవర్ స్టార్ రామ్ చరణ్, యూవీ క్రియేషన్స్ నిర్మాత విక్రమ్ రెడ్డి నిర్మిస్తున్న ఈ సినిమాకి సంబంధించిన అఫీషియల్ అప్డేట్ ఇచ్చారు మేకర్స్. ఇందులో భాగంగా అనౌన్స్మెంట్స్ వీడియో ను కూడా రిలీజ్ చేశారు.
ఈ వీడియో చాలా ఇంటరెస్టింగ్ గా ఉంది. 1900 దశకంలో భారతదేశ చరిత్ర పుటల్లో లేని ఒక అధ్యాయాన్ని ఈ చిత్రంలో చూపించే ప్రయత్నం చేస్తున్నారు మేకర్స్. సాలిడ్ కంటెంట్ తో పాన్ ఇండియా లెవల్లో తెరకెక్కనున్న ఈ సినిమాకు “ది ఇండియా హౌస్” అనే టైటిల్ ను ఫిక్స్ చేశారు.
కార్తికేయ 2 తరువాత నిఖిల్ రేంజ్ పాన్ నార్త్ లో కూడా నెక్స్ట్ లెవల్ కు చేరుకుంది. దీంతో ఈ సినిమాపై అంచనాలు భారీగానే పెరుగుతున్నాయి. రామ్ వంశీ కృష్ణ అనే కొత్త డైరెక్టర్ తెరకెక్కిస్తున్న ఈ పీరియాడిక్ బ్యాక్ డ్రాప్ చిత్రం ఎలా ఉండబోతోందో చూడాలి. ఈ చిత్రానికి సంబంధించిన మిగతా వివరాలు త్వరలోనే ప్రకటించనున్నట్లు చిత్ర యూనిట్ తెలిపారు.
