నార్త్ కొరియా విదేశాంగ మంత్రి
సియోల్: యూఎన్ సెక్రెటరీ జనరల్ ఆంటోని యో గుటెర్రస్ అమెరికా చేతిలో కీలుబొమ్మగా వ్యవహరిస్తున్నారని నార్త్ కొరియా మండిపడింది. ఇటీవల నార్త్ కొరియా ఐసీబీఎంను విజయవంతంగా ప్రయోగించింది. అమెరికా ఖండంలోని ఏ ప్రాంతంలోని టార్గెట్ను అయినా ఛేదించగల సామర్థ్యం ఈ మిసైల్ సొంతం. ఈక్రమంలో నార్త్ కొరియా మిసైల్ ప్రయోగంపై గుటెర్రస్ స్పందిస్తూ.. రెచ్చగొట్టే విధంగా ఎలాంటి చర్యలను నార్త్ కొరియా తీసుకోరాదని కామెంట్ చేశారు.
దీనిపై నార్త్ కొరియా విదేశాంగ మంత్రి చోయ్ సోన్ హ్యూ మాట్లాడుతూ.. అమెరికా, దాని మిత్రదేశాల చర్యలను పట్టించుకోకుండా నార్త్ కొరియా మిసైల్ టెస్టులను తప్పుబట్టడంచూస్తే గుటెర్రస్ అమెరికా చేతిలో కీలుబొమ్మగా మారినట్లు తెలుస్తోందని సోన్ హ్యూ విమర్శించారు.
