హైదరాబాద్, వెలుగు: యువతకు ఫలితాల ఆధారిత అధిక-నాణ్యత నైపుణ్య శిక్షణను అందించడానికి నేషనల్ స్కిల్ డెవలప్‌మెంట్ కార్పొరేషన్ (ఎన్ఎస్డీఎస్) బెంగళూరులోని ఎత్నోటెక్ అకడమిక్ సొల్యూషన్స్ ప్రైవేట్ లిమిటెడ్‌తో కలిసి సెంటర్ ఫర్ ఫ్యూచర్ స్కిల్స్‌ ప్రారంభించింది. కర్ణాటకలోని కలబురగిలో దీనిని ఏర్పాటు చేసింది.
ఇక్కడ స్టూడెంట్లకు హై క్వాలిటీ స్కిల్ ట్రైనింగ్ ఇస్తామని ఎన్ఎస్డీసీ తెలిపింది. సంప్రదాయ విద్యకు ఆధునిక కోర్సులను చేర్చుతామని తెలిపింది. నేషనల్ ఎడ్యుకేషన్ పాలసీకి అనుగుణంగా నైపుణ్యాల కొరతను తీర్చుతామని, స్టూడెంట్లకు ఉపాధి అవకాశాలను పెంచుతామని పేర్కొంది.
