రాజన్న సిరిసిల్ల, వెలుగు: రాజన్న సిరిసిల్ల జిల్లా కేంద్రంలో పర్మిషన్ లేదని రెండు కార్పొరేట్ స్కూళ్లను అధికారులు మంగళవారం సీజ్ చేశారు. ఇటీవల నారాయణ, శ్రీ చైతన్య స్కూళ్లు ప్రారంభమయ్యాయి. అయితే వీటికి పర్మిషన్ లేకపోవడంతో ఏబీవీపీ లీడర్లు ఆందోళన చేశారు. స్పందించిన డీఈవో విద్యాధికారులను పంపారు. వారు విద్యార్థులను బయటకు పంపించి స్కూళ్లను సీజ్ చేశారు. ఒకేరోజు రెండు స్కూళ్లను సీజ్ చేయడంతో పిల్లలను జాయిన్చేసిన తల్లిదండ్రులు ఆందోళన వ్యక్తం చేస్తున్నారు. పర్మిషన్ లేకుండా స్కూళ్లను ప్రారంభిస్తున్నా ఆఫీసర్లు ఏం చేస్తున్నారని ఏబీవీపీ లీడర్లు ప్రశ్నిస్తున్నారు.
జగిత్యాలలో మరో స్కూల్..
జగిత్యాల టౌన్, వెలుగు: జగిత్యాలలో పర్మిషన్లేదని ఓ స్కూల్‌ను ఎంఈవో గాయత్రి సీజ్చేశారు. మదర్సా ఇందాద్ ఉల్ ఉలూమ్ స్కూల్‌కు పర్మిషన్ లేదని ఈ స్కూల్‌ను సీజ్చేస్తున్నట్లు ఆమె చెప్పారు. పర్మిషన్ లేని స్కూళ్లలో తమ పిల్లలను చేర్చొద్దని పేరెంట్స్కు ఎంఈవో సూచించారు.
