పంచభూతాలలో గాలి ఒకటి. దానికున్న శక్తి ముందు అన్నీ దిగదుడుపే. ఈ నిజం మరోసారి రుజువైంది. వేగంగా వీచిన గాలి.. టన్నుల బరువుండే విమానాన్ని నెట్టిపడేసింది. ఈ ఘటన లండన్లోని హీత్రో విమానాశ్రయంలో వెలుగుచూసింది. బ్రిటీష్ ఎయిర్వేస్కు చెందిన జెట్ విమానం సోమవారం ఉదయం 10.50 గంటలకు అబెర్‌డీన్ నుంచి వచ్చింది. అయితే విమానం ల్యాండ్ అయ్యే సమయంలో బలమైన గాలులు వీచాయి. ఆ గాలుల తాకిడికి విమానం ల్యాండింగ్ టైంలో ఒకసైడ్ పైకి లేచింది. వెంటనే అప్రమత్తమైన పైలట్.. విమానాన్ని వెంటనే పైకి లేపాడు. మరో 10 సెకన్ల తర్వాత మరోసారి ల్యాండ్ చేయడానికి ప్రయత్నించాడు. అయినా వీలు కుదరకపోవడంతో వెంటనే విమానాన్ని పూర్తిగా పైకి లేపాడు. పైలట్ నిర్ణయంతో పెద్ద ప్రమాదం తప్పిందని ప్రయాణికులు, ఎయిర్ పోర్ట్ అధికారులు ఊపిరి పీల్చుకున్నారు. సరైన సమయంలో పైలట్ తీసుకున్న నిర్ణయంతో అతడు పతకానికి అర్హుడని అధికారులు పొగుడుతున్నారు.
A321 TOGA and Tail Strike!
— BIG JET TV (@BigJetTVLIVE) January 31, 2022
A full-on Touch and go, with a tail strike! Watch for the paint dust after contact and watch the empennage shaking as it drags. The pilot deserves a medal! BA training could use this in a scenario - happy to send the footage chaps ?#aviation #AvGeek pic.twitter.com/ibXjmVJGiT
For More News..
