భద్రాద్రి కొత్తగూడెం, వెలుగు : ‘ మా ఊరి రోడ్లు సక్కగ లేవు. ఆర్టీసీ బస్సులు రావు. సెల్ఫోన్మాట్లాడదామంటే సిగ్నల్స్ కూడా ఉండవు’ అంటూ ఓ గిరిజన యువతి కొత్తగూడెం ఎమ్మెల్యేను నిలదీసింది. భద్రాద్రి కొత్తగూడెం జిల్లా లక్ష్మీదేవిపల్లి మండలం గట్టుమల్ల ప్రాంతంలో బీఆర్ఎస్ ఆధ్వర్యంలో ఆత్మీయ సమ్మేళనం నిర్వహించారు. దీనికి ఎమ్మెల్యే వనమా వెంకటేశ్వరరావుతో పాటు బీఆర్ఎస్ప్రజాప్రతినిధులు, నాయకులు హాజరయ్యారు. దీనికి కార్యకర్తలతో పాటు చుట్టుపక్కల పది గ్రామాల నుంచి జనాలను కూడా తీసుకువచ్చారు.
ఈ సందర్భంగా ఎమ్మెల్యే మాట్లాడుతుండగా ఉస్మానియా యూనివర్సిటీలో పీజీ చేస్తున్న బంగారుచెలక గ్రామానికి చెందిన గిరిజన విద్యార్థి కె. లలిత అడ్డు తగిలింది. ‘కోవిడ్టైంలో ఆన్లైన్క్లాసెస్ జరిగాయి. అప్పుడు సెల్ఫోన్ సిగ్నల్స్ రాలేదు. చదువులెట్లా సాగాయో ఎవరైనా తెలుసుకున్నారా’ అని ప్రశ్నించింది. ‘మా ఊరికి బస్సులు రావడం లేదు, రోడ్లు బాగా లేవు. ఎన్నికలొస్తే మాత్రం మేమున్నామంటూ అందరూ వస్తారు’ అని అనడంతో అక్కడున్నవారంతా విస్తుపోయారు. ‘కష్టపడి చదువుకుని గ్రూప్వన్ఎగ్జామ్రాస్తే దాన్ని కూడా లీక్చేశారు. దీంతో పరీక్ష రాసిన విద్యార్థులంతా తీవ్రంగా నష్టపోవాల్సి వచ్చింది.
ప్రభుత్వం ఏం చేస్తున్నట్టు’ అని కొనసాగిస్తుండడంతో కొందరు బీఆర్ఎస్ లీడర్లు అడ్డుకున్నారు. ఆమెకు సర్ది చెప్పి మాట్లాడకుండా చేసి కూర్చోబెట్టారు. బీఆర్ఎస్ప్రజాప్రతినిధులు, నాయకులు భూక్యా సోనా, మండే హనుమంతరావు, వనమా రాఘవ, కాసుల వెంకట్ కొట్టె వెంకటేశ్వర్లు, రాజు, దామోదర్, కె. పద్మ, పవిత్ర, జక్కుల సుందర్ పాల్గొన్నారు.
