ఇస్లామాబాద్ : పాకిస్తాన్ మాజీ పీఎం ఇమ్రాన్ ఖాన్‌‌పై ఆ దేశ ఎలక్షన్ కమిషన్ నాన్ బెయిలబుల్ అరెస్ట్ వారెంట్ జారీ చేసింది. సమాచార, ప్రసార శాఖ మాజీ మంత్రి ఫవాద్ చౌదరీపై కూడా నాన్ బెయిలబుల్ వారెంట్ ఇష్యూ అయ్యింది. చీఫ్ ఎలక్షన్ కమిషనర్ (సీఈసీ)పై తెహ్రీక్ -ఇ -ఇన్సాఫ్(పీటీఐ) చీఫ్ ఇమ్రాన్ ఖాన్, పార్టీ నేతలు ఫవాద్ చౌదరీ, అసద్ ఉమర్ అనుచిత వ్యాఖ్యలు చేశారని ఆరోపిస్తూ ఈసీపీలో గతేడాది కంప్లైంట్ రిజస్టర్ అయ్యింది. ఈ క్రమంలో ఈసీపీ పలుమార్లు ఆదేశించినా పీటీఐ నేతలు విచారణకు హాజరుకాలేదు.
దాంతో మంగళవారం ఈసీపీ మెంబర్ నిసార్ దుర్రానీ నేతృత్వంలోని బెంచ్ ఇమ్రాన్ ఖాన్, ఫవాద్ చౌదరీపై వారెంట్ జారీ చేసింది. అనారోగ్యం వల్ల ఉమర్కు కోర్టు మినహాయింపు ఇచ్చింది. తదుపరి విచారణ ఈ నెల 25కి వాయిదా పడింది.
