ఇటీవల విడుదలైన పవన్ కళ్యాణ్ ( Pawan Kalyan ) 'హరిహర వీరమల్లు' ( Hari Hara Veera Mallu ) అభిమానులను ఎంతో నిరాశపరిచింది. బాక్సాఫీస్ వద్ద బోల్తా పడింది. నిరాశతో ఉన్న అభిమానుల్లో కొత్త ఆశలు రేకెత్తించేలా ' ఓజీ' ( OG ) సిద్ధమవుతోంది. ఈ నేపథ్యంలో దీని కోసం ఎంతో అత్రుతగా ఎదురుచూస్తున్న అభిమానులకు మూవీ మేకర్స్ శుభవార్త అందించారు. ఈ సినిమా సంబంధించిన ' ఫైర్ స్ట్రోమ్ ' ( Firestorm )అంటూ సాగే తొలి లిరికల్ గీతాన్ని రిలీజ్ చేశారు. దీంతో అభిమానులు పండగ చేసుకుంటున్నారు.
ఈ పాట గురించి సోషల్ మీడియాలో ఫుల్ చర్చ నడుస్తోంది. మ్యూజిక్ సూపర్ అంటూ అభిమానులు ఫోస్ట్ చేస్తున్నారు. ఈ పాట తమన్ ఇదివరకే కంపోజ్ చేసిన పాటల్లానే మంచి హైప్ తో తీసుకువచ్చారని ప్రశంసిస్తున్నారు. లిరిక్స్ ని మ్యూజిక్ డామినేట్ చేసినట్లు అనిపిస్తుందని మరికొందరు నెటిజన్లు కామెంట్స్ చేస్తున్నారు. ఈ సారి తమన్ సూపర్ మ్యూజిక్ ఇచ్చాడు సినిమాకి థియేటర్ బాక్సులు బద్దలవ్వాల్సిందే అంటూ పవన్ అభిమానులకు మాత్రం ఎంజాయ్ చేస్తున్నారు.
ముంబై బ్యాక్ గ్రౌండ్ లో ఓ గ్యాంగ్ స్టర్ జీవితాన్ని ఆధారంగా ఈ ' ఓజీ " మూవీ రూపుదిద్దుకుంటుంది. పవన్ కళ్యాణ్‌ను మునుపెన్నడూ చూడని ఒక కొత్త లుక్‌లో, శక్తివంతమైన గ్యాంగ్‌స్టర్ పాత్రలో చూపించబోతున్నారని తెలుస్తోంది. పాన్ ఇండియా స్థాయిలో సెప్టెంబర్ 25న ప్రేక్షకుల ముందుకు తీసుకువచ్చేందుకు రెడీ చేస్తున్నారు.
సుజిత్ దర్శకత్వంలో తెరకెక్కుతున్న ఈ సినిమాను డీవీవీ ఎంటర్టైన్మెంట్స్ పతాకంపై నిర్మిస్తున్నారు. ఈ చిత్రంలో పవన్ సరసన ప్రియాంక మోహన్ హీరోయిన్ గా నటిస్తోంది. బాలీవుడ్ నటుడు ఇమ్రాన్ హష్మీ ప్రధాన విలన్ గా కనిపించనున్నారు. అర్జున్ దాస్ , శ్రియారెడ్డి, ప్రకాశ్ రాజ్, హరీష్ ఉత్తమన్, అభిమన్యు సింగ్ , అజయ్ ఘోష్ కీలకపాత్రలు పోషిస్తున్నారు. ఈ సినిమా పవన్ కళ్యాణ్ కెరీర్‌లో మరో బ్లాక్‌బస్టర్‌గా నిలుస్తుందని ఆయన అభిమానులు ఆశిస్తున్నారు.
