వేలు పోసి కొన్న బట్టలు కూడా రెండుమూడు సార్లు వేయగానే బోర్ కొడతాయి కొందరికి . కొన్నిసార్లు ఇష్టంగా కొనుక్కున్న డ్రెస్లు వేసుకున్నాక నచ్చకపోవచ్చు కూడా. ఇంట్లోని వస్తువులు, గిఫ్ట్ ఆర్టికల్స్ విషయంలోనూ ఈ సమస్య ఉంటుంది. కానీ, పడేయడానికి మనసొప్పక ఇంట్లో ఏ మూలో భద్రంగా దాచిపెడుతుంటారు వాటిని.ఈ సమస్యకి సొల్యూషన్గా వచ్చిందే ఫ్రీఅప్యాప్. దీన్ని కర్నాటకకి చెందిన జిమ్మీ ఇయా 2019లో డిజైన్ చేయించాడు. 2010 లో లగ్సాండర్ అనే కంపెనీ కూడా పెట్టాడు ఇతను. అందరికీ తాగు నీళ్లు, చదువు అందాలనుకునే జిమ్మీ సస్టైనబుల్ లివింగ్ని ప్రమోట్ చేయడానికే ఈ యాప్ని తీసుకొచ్చాడు.
గూగుల్, యాపిల్ ప్లే స్టోర్లో అందుబాటులో ఉన్న ఈ యాప్ గురించి ...
ఈ యాప్లో మన దగ్గరున్న వాడకుండా పక్కన పడేసిన వస్తువులతో పాటు పాత వాటిని అమ్మేయొచ్చు. అది కూడా దేశంలో ఏ మూల నుంచైనా. ఇండియా మొత్తం అందుబాటులో ఉన్న ఈ యాప్లోకి మనం అమ్మాలనుకుంటున్న వస్తువుల ఫొటోలు పెట్టాలి. ఆ ఫొటోలకి ఎలాంటి ఎడిటింగ్ ఎఫెక్ట్స్ యాడ్ చేయొద్దు.. ప్లెయిన్ బ్యాక్ గ్రౌండ్లో ఫొటో తీయాలి. డిస్ర్కిప్షన్లో వస్తువు కండీషన్ క్లియర్గా రాయాలి. ఎంతకి అమ్మాలనుకుంటున్నారన్న విషయం కూడా చెప్పాలి. ఒకవేళ పాడైతే కొనరేమోనన్న భయం అవసరం లేదు. వాటిని రీసైక్లింగ్ చేసి సేల్ చేస్తారు. ప్రొడక్ట్స్ కింద కామెంట్ సెక్షన్ కూడా ఉంటుంది. ఎవరైనా వస్తువు కొనాలనుకుంటే ఆ కామెంట్ సెక్షన్ ద్వారా వాళ్లకున్న డౌట్స్ అడగొచ్చు. యాప్ ద్వారా ఎవరైనా మన వస్తువుని కొంటే.. ఎలాంటి ఛార్జీలు లేకుండా ఇంటికొచ్చి దాన్ని తీసుకెళ్తారు. డబ్బులు ఇస్తారు. లేదంటే మనం ఆ యాప్లో ఏదైనా కొనుక్కునేందుకు కాయిన్స్ ఇస్తారు. కొనేవాళ్లు, అమ్మేవాళ్లు ఒకే సిటీలో ఉంటే గంటలో ప్రొడక్ట్ డెలివరీ చేస్తారు. వేరే ఊళ్లలో ఉంటే మాత్రం ఐదు నుంచి ఆరు రోజుల టైం పడుతుంది. రీఫండ్ కూడా ఉంటుంది. రీయూజబుల్, రీసైక్లింగ్ ఇంపార్టెన్స్ తెలియజేయడానికే ఈ యాప్ని డిజైన్ చేశారట. ఐదు లక్షలకి పైగా డౌన్లోడ్స్ ఉన్న ఈ యాప్లో కేవలం యాక్సెసరీస్ ఒకటే కాకుండా ఫోన్స్, గాడ్జెట్స్, బుక్స్, బొమ్మలు, బ్యూటీ ప్రొడక్ట్స్.. ఇలా చాలానే అమ్మేయొచ్చు, కొనుక్కోవచ్చు. మరింకెందుకు ఆలస్యం! .