రంగారెడ్డి జిల్లాలో శుక్రవారం చనిపోయిన రెండు నెలల బాలుడిది రాచకొండ పోలీసులు హత్యగా తేల్చారు. బాలుడి మేనత్తే, మేనమామే హత్యచేశారని పోలీసులు తెలిపారు. అబ్దుల్లాపూర్‌మెట్టు పోలీస్ స్టేషన్ పరిధిలోని అనాజ్ పూర్ గ్రామంలో శుక్రవారం ఓ బాలుడు ఇంటిపై ఉన్న ట్యాంకులో శవమై తేలాడు. ఆ బాలుడిని మేనత్త శ్వేత, మేనమామ రాజు హత్యచేసినట్లు గుర్తించారు. తల్లి పక్కన పడుకున్న బాబును అర్దరాత్రి చంపి.. ట్యాంకులో పడేశారు. తనకి పిల్లలు పుట్టకముందే.. తన ఆడపడుచుకు పిల్లలు పుట్టడంతో శ్వేత ఈ దారుణానికి పాల్పడింది. పిల్లల విషయమై శ్వేత.. అదే రోజు రాత్రి భర్తతో గొడవపెట్టుకుంది. అనంతరం ఈ ఘాతుకానికి పాల్పడింది.
