సత్తుపల్లి, వెలుగు : కల్లూరు డివిజన్ డిప్యూటీ డీఎం హెచ్ వో గా ప్రదీప్ కుమార్ శుక్రవారం బాధ్యతలు తీసుకున్నారు. సత్తుపల్లి ఏరియా ఆస్పత్రిలోని ఆయన కార్యాలయంలో విధుల్లో చేరిన ప్రదీప్ కుమార్ ను డివిజన్ పరిధిలోని పలువురు పీ హెచ్ సీ డాక్టర్లు కలిసి శుభాకాంక్షలు తెలిపారు.
నల్గొండ జిల్లా తిప్పర్తి బీహెచ్ఈ నుంచి తాను ఉద్యోగోన్నతి పై కల్లూరు డివిజన్ కు బదిలీ అయినట్లు తెలిపారు. గ్రామీణ వైద్యాన్ని బలోపేతం చేసేందుకు తన వంతుగా కృషి చేస్తానని, వ్యాక్సినేషన్ కార్యక్రమాన్ని పకడ్బందీగా అమలయ్యేలా ఆచర్యలు తీసుకుంటానని చెప్పారు. ఈ కార్యక్రమంలో సత్తుపల్లి లంక సాగర్ పీహెచ్ఎసీ డాక్టర్లు అవినాష్, కిరణ్ కుమార్ తదితరులు పాల్గొన్నారు.
