బెల్లంపల్లి, వెలుగు: రాష్ట్ర ఎస్సీ, ఎస్టీ కమిషన్ సభ్యునిగా మంచిర్యాల జిల్లా గ్రంథాలయ సంస్థ చైర్మన్ రేణికుంట్ల ప్రవీణ్ బాధ్యతలు స్వీకరించారు. బుధవారం హైదరాబాద్లోని ఎస్సీ, ఎస్టీ ఆఫీస్లో జరిగిన కార్యక్రమంలో వైద్యారోగ్య శాఖ మంత్రి హరీశ్ రావు సమక్షంలో ప్రవీణ్ పదవీ బాధ్యతలు చేపట్టారు. ఈ సందర్భంగా ప్రవీణ్ మాట్లాడుతూ.. సీఎం కేసీఆర్ తనకు నమ్మకంతో ఇచ్చిన ఈ బాధ్యతను సక్రమంగా నెరవేరుస్తానని.. దళిత,
గిరిజనులకు అండగా ఉంటానన్నారు.
ఈ కార్యక్రమంలో రాష్ట్ర మంత్రులు జగదీశ్వర్ రెడ్డి, సత్యవతి రాథోడ్, ఎమ్మెల్యేలు ఆత్రం సక్కు, కోరుకంటి చందర్, గువ్వల బాలరాజు, నోముల భగవత్, గాదరి కిషోర్, ఎమ్మెల్సీ పల్లా రాజేశ్వర్ రెడ్డి, వివిధ కార్పొరేషన్ల చైర్మన్లు రావుల శ్రీధర్ రెడ్డి, ఎర్రోళ్ల శ్రీనివాస్ తదితరులు పాల్గొన్నారు.
