ఆప్ మేనిఫెస్టోలో ప్రాధాన్యం
రిలీజ్ చేసిన డిప్యూటీ
సీఎం మనీశ్ సిసోడియా
న్యూఢిల్లీ: అధికార ఆమ్ ఆద్మీ పార్టీ(ఆప్) మంగళవారం మేనిఫెస్టోను రిలీజ్ చేసింది. చక్కటి చదువులు, పరిశుభ్రమైన నీరు, రోజంతా కరెంట్ లాంటి హామీలతో కూడిన “28 పాయింట్ల గ్యారెంటీ కార్డు’’ను ఢిల్లీ డిప్యూటీ సీఎం మనీశ్ సిసోడియా విడుదల చేశారు. ఐశ్వర్యంతో, డిగ్నిటీతో ప్రతి సామాన్యుడూ బతకాలన్నదే ఆప్ విజన్ అని సిసోడియా చెప్పారు. మేనిఫెస్టో రిలీజ్ కార్యక్రమంలో ఢిల్లీ సీఎం కేజ్రీవాల్, పార్టీ సీనియర్ నేతలు గోపాల్రాయ్, సంజయ్ సింగ్ తదితరులు పాల్గొన్నారు.
బీజేపీకి కేజ్రీవాల్ సవాల్
ఢిల్లీ ముఖ్యమంత్రి కేజ్రీవాల్ బీజేపీకి సవాల్ విసిరారు. ముఖ్యమంత్రి కేండిడేట్ పేరును ప్రకటించాలని బీజేపీని డిమాండ్ చేశారు. “బుధవారం మధ్యాహ్నం ఒంటి గంటవరకు బీజేపీకి టైమ్ ఇస్తా. సీఎం కేండిడేట్ను ఆపార్టీ ప్రకటించకపోతే మరొక ప్రెస్మీట్ పెడతాను ”అని కేజ్రీవాల్ చెప్పారు. మంగళవారం ఆయన మీడియా సమావేశంలో మాట్లాడారు. “ ఢిల్లీ ఓటరు తీర్పు రాగానే సీఎం కేండిడేట్ పేరును ప్రకటిస్తానని అమిత్ షా చెబుతున్నారు. బీజేపీకి ఓటేయాలంటే ఆపార్టీ చీఫ్ మినిస్టర్ ఎవరని ఢిల్లీ ప్రజలు అడుగుతున్నారు. చదువులేనివారు, సామర్థ్యంలేని వ్యక్తిని ప్రకటిస్తే పరిస్థితి ఏంటి? అది ఢిల్లీ ప్రజలకు ద్రోహం చేసినట్టే అవుతుంది’’ అని కేజ్రీవాల్ వివరించారు. కేంద్రం పార్టీ సాధించిన విజయాలను ఆధారంగా ప్రధాని నరేంద్రమోడీ పేరుతోనే బీజేపీ చాలా ఎన్నికల్లో ప్రచారంచేసింది. కీలకమైన ఉత్తరప్రదేశ్ లాంటి అసెంబ్లీ ఎన్నికల్లోనూ ముఖ్యమంత్రి కేండిడేట్పేరును బీజేపీ ముందుగా ప్రకటించలేదు. ఆపార్టీ భారీ మెజార్టీ సాధించిన తర్వాత మాత్రమే యోగీ ఆదిత్యనాథ్ పేరు సీఎంగా ప్రకటించారు. దీనిని దృష్టిలో పెట్టుకునే కేజ్రీవాల్ బీజేపీపై పరోక్ష విమర్శలు చేశారు.
సవాల్కు రెడీ: బీజేపీ
కేజ్రీవాల్ సవాల్ను స్వీకరిస్తున్నట్టు బీజీపీ ఢిల్లీ చీఫ్ మనోజ్ తివారీ చెప్పారు. మేనిఫెస్టోపై కేజ్రీవాల్తో డిబేట్కు తాము రెడీ గా ఉన్నామని ఆయన చెప్పారు. డిబేట్ ఎక్కడ, ఎప్పుడు పెడతారో కేజ్రీవాల్ చెప్పాలని తివారీ నిలదీశారు.
మేనిఫెస్టో హైలైట్స్
మంచి చదువులు పరిశుభ్రమైన నీరు.. రోజంతా కరెంట్
ఇంటికే నేరుగా రేషన్ సప్లయ్
10 లక్షల మంది ముసలివాళ్లకు ఫ్రీగా తీర్థయాత్రలు
డ్యూటీలో సఫాయీ కార్మికుడు చనిపోతే కుటుంబ సభ్యులకు కోటి రూపాయల నష్టపరిహారం.
వరల్డ్ క్లాస్ రోడ్లు.. పూర్తిస్థాయి రాష్ట్రంగా ఢిల్లీ
స్కూళ్లలో దేశభక్తికి సంబంధించిన సిలబస్
స్టూడెంట్స్కు స్పోకెన్ ఇంగ్లీష్, పర్సనాలిటీ డెవలప్మెంట్ క్లాసులు
ముఖ్యమైన కమర్షియల్ ఏరియాల్లో పైలట్ బేసిస్గా రోజంతా మార్కెట్లు