న్యూఢిల్లీ: విప్రో ఫౌండింగ్ చైర్మన్ అజీమ్ ప్రేమ్‌‌జీ ఫండ్ ప్రేమ్‌‌జీ ఆస్ట్రేలియన్ గ్రాఫిక్ డిజైన్ ప్లాట్‌‌ఫామ్ కాన్వాలో 50-–70 మిలియన్ల డాలర్లు పెట్టుబడి పెడతారని సంబంధిత వర్గాలు తెలిపాయి. ఇది కాన్వా ఇటీవలి సెకండరీ సేల్లో భాగం.
ఇక్కడ 26 బిలియన్ల డాలర్ల విలువతో 1.6 బిలియన్ల డాలర్ల విలువైన షేర్లు ప్రస్తుత, కొత్త వాటాదారుల మధ్య చేతులు మారాయి. విక్రయంలో ఉద్యోగులు టెండర్ చేసిన షేర్లను ప్రేమ్‌‌జీ ఇన్వెస్ట్ తీసుకోవచ్చని సంబంధిత వర్గాలు తెలిపాయి. ఈ కంపెనీ రాబోయే రెండేళ్లలో ఐపీఓకి కూడా వస్తోందని తెలిసింది.
